Teqdimatlar

"Tunc mələk" kitabının təqdimatı

Təqdimatı Kitab Klubunun direktoru Elxan Rzayev açaraq aşağıdakıları söylədi:

Hörmətli iştirakçılar.
Siz güman ki, Kitab klubunun fəaliyyəti ilə müəyyən qədər tanışsınız. Onu bildirmək istəyirəm ki, bu gün Kitab klubu konkret kitabların misalında «azərbaycan gəncləri kitab oxumur», «kitab alınmır» kimi stereotipləri aradan qaldırmaq istiqamətində tədbirlərə başlayır.
Gənclərə çağırışımız da bundan ibarətdir: «Müasir ol - kitab oxu!»
Niyə bu çağırışı seçdik. Çünki indi istər xarici şirkətlərə, istər yerli biznes müəssisələrinə, istərsə də dövlət və hökumət təşkilatlarına kitab oxumuş və kitab oxuyan insanlar lazımdır. Kitab oxumuş, yəni təhsil almış, biliklərə yiyələnmiş və kitab oxuyan, yəni dünyanın və biliklərin sürətlə yeniləşdiyi bir dövrdə öz biliklərini artıran insanlar.
Bu şərtlərə cavab verirsənsə, həqiqətən də müasirsən.
Bu tədbirlərə başlanğıc kimi seçilmiş kitab müasir oxucu və kitab bazarının bütün meyarlar üzrə tələblərinə tam cavab verir.
- Kitab tamamilə yeni janrda - «qansız döyüş romanı» janrında yazılmışdır;
- kitab ən oxunaqlı formada, döyüş romanı – triller formasında yazılmışdır;
- kitab artıq bestsellerdir, onun rus dilindəki variantı Rusiyaının iki aparıcı nəşriyyatı tərəfindən 100000-ə yaxın tirağla çap edilmişdir;
- kitab azərbaycan dilinə oxucuların çoxsaylı xahişi ilə müəllifin özü tərəfindən tərcümə edilmişdir;
- üz qabığının orijinal tərtibatı vardır;
- kitabın müəllifi öz işinin peşəkarıdır.
Bəs həmin müəllif kimdir?
«Tunc mələk» kitabının müəllifi istedadlı yazıçı, «qansız döyüş romanı» janrının yaradıcısı, analitik Vahid Məmmədlidir.
Vahid Məmməd oğlu Məmmədli (Məmişov) – 1992-ci ildə Rusiya Federasiyasının Kalinin Dövlət Universitetinin hüquq fakültəsini fərqlənmə diplomu ilə bitirmiş, 1991-ci ildə, hələ tələbə ikən Tver vilayətində rayon prokurorunun köməkçisi vəzifəsinə təyin olunmuşdur. Bakı şəhər prokurorluğunda istintaq olunan bir çox ağır və çox-epizodlu cinayət işləri üzrə yaradılmış istintaq qruplarına rəhbərlik etmiş, hal-hazırda Bakı şəhər prokurorluğunun prokurorluqda istintaqa nəzarət şöbəsinin böyük prokuroru, ədliyyə müşaviridir.
Azərbaycanda beynəlxalq qarşılıqlı hüquqi yardımın müqavilələr praktikasına dair ilk monoqrafiyanın müəllifidir. Beynəlxalq cinayət hüqüqu üzrə çoxsaylı məqalələri Azərbaycanda, Rusiyada və digər xarici ölkələrdə çap edilmişdir. Hüqüq elmləri namizədi, analitikdir.
Vahid Məmmədli 2007-ci ildə yazdığı «Tunc mələk» əsəri ilə yeni, qansız (intellektual) döyüş romanı janrının əsasını qoymuş, bu roman onu Rusiya və digər ölkələrdə dünya ədəbiyyatının istedadlı yazarı kimi tanıtmışdır. Moskvada 2007-ci ildə «Tunc Allahın yükü», 2008-ci ildə isə «Rus bestselleri» seriyasında «Cəllad tələsməyi sevmir» adlı kitabları çapdan çıxıb. Bir çox əsərləri Vlad Məmişov təxəllüsü ilə çap edilir. «Tunc mələk» əsəri hal-hazırda dünyanın bir çox ölkələrində çapa hazırlanır.
Kitabın son səhifəsindən siz onun nəzərdə tutulan tirajı haqqında da məlumat ala bilərsiniz. Kitab klubu və müəllif yaxın 6 ay ərzində bu kitabdan 50000 nüsxə satmaq fikrindədir.
Məşğulluq üzündən Vahid müəllim bu tədbirə qatıla bilməmişdir. Lakin bu təqdimatdan təqribən 2 həftə sonra müəllifin öz kitabını imzalama mərasimi keçiriləcəkdir. Müəllif həmin tədbirdə alınacaq və artıq alınmış kitablara imza atacaqdır.
Kitab haqqında məlumatın, onun məziyyətlərinin oxucuya çatdırılması üçün müxtəlif ənənəvi və yeni üsullardan istifadə ediləcəkdir.
Kitabın reklam posterləri artıq müxtəlif yerlərdə nümayiş etdirilir.
Müəllifin Fan klubunun yardılması planlaşdırılmışdır.
«Tunc mələk» romanı artıq satışa çıxarılmışdır. Kitabın evinizə və ya işinizə çatdırılmasını istəyirsinizsə 492-12-38 nömrəli telefonla Kitab klubuna müraciət edə bilərsiniz.
Təbii ki, stereotiplərin aradan qaldırılması, xalqımızın kitaba həvəsinin artırılması ümumi bir işdir və kütləvi informasiya vasitələrinin və ictimaiyyətin bu işə fəal qoşulması həlledici amildir. Ona görə də, bütün KİV nümayəndələrini bu tədbirdə həvəslə iştirak etməyə «Tunc mələk» kitabı haqqında məlumatı potensial oxuculara çatdırmaq üçün ən orijinal üsullardan istifadə etməyə çağırırıq.
Son sözümüz isə kitab piratlarınadır. Müəllif və Kitab klubu sizdən xahiş edir ki, bu gərəkli tədbirə haram qatmayasınız.

Kitab Klubu görkəmli tərcüməçi Seyran Sənan oğlu Ağabəyovun
“Ağabəylilər” kitabının qeyri-rəsmi təqdimatı və müəllifin 70 illik yubileyində

13 avqust 2008-ci il tarixində Kitab Klubunun əməkdaşları Qobustan qəsəbəsində müəllifin bağ evində keçirilən görkəmli tərcüməçi Seyran Sənan oğlu Ağabəyovun həmmüəllif olduğu “Ağabəylilər” kitabının qeyri-rəsmi təqdimat mərasimində, həmçinin müəllifin 70 illik yubileyində iştirak etdilər. Qeyd etmək istərdik ki, S.S.Ağabəyov dahi bəstəkarımız Üzeyir bəy Hacıbəylinin ölməz “O olmasın, bu olsun”, “Arşın mal alan” musiqili komediyalarının, Səməd Vurğunun “Vaqif” dramının ingilis dilinə tərcümə edən ilk azərbaycanlıdır. Kitabın ikinci müəllifi həmin nəslin davamçısı Yaşar Əli oğlu Ağabəyovdur.

Ağabəylilər nəslinin övladlarının toplandığı tədbiri açıq elan edən Klubumuzun əməkdaşı Fazil Kərimov, yubilyarı Kitab Klubunun adından, onun yenicə “Nurlar” nəşriyyatında çap olunmuş “Ağabəylilər” kitabını təbrik etdi, 70 yaşı tamam olması münasibətilə xatirə diplomunu təqdim etdi. Bunu da qeyd etmək vacibdir ki, kitabın ərsəyə gəlməsində Kitab Klubunun, xüsusən Klubun direktoru Elxan Rzayevin böyük zəhməti vardır. Açılışdan sonra söz kitabın redaktoru Sahib Sailova verildi. O, öz növbəsində kitabın nəfis şəkildə çap olmasını bildirdi, nəşrin məziyyətlərindən, faydasından, müəlliflər tərəfindən çəkilən əziyyətlərdən söhbət açdı. Təqdimat zamanı Ağabəylilər nəslinin nümayəndələrinin (N.Ağabəyli, Ə.Ağabəyov və s.) qızğın çıxışları və təbrikləri səsləndi. Kitabda Salyanın Kür Qaraqaşlı kəndinin əsasını qoyan Ağabəylilər nəslindən, bu nəslin Azərbaycan xalqına bəxş etdiyi igid oğullarından, istedadlı sənətkarlarından, görkəmli elm, incəsənət xadimlərindən və nəhayət sadə, zəhmətkeş övladlarından bəhs edilir. Təqdimatın qeyri-rəsmi hissəsi başa çatdıqdan sonra bədii hissəyə (ziyafət məclisi) keçid alındı.

Tədbirin sonunda müəlliflər öz nəslinin “Ağabəylilər” kitabını gələn qonaqlara, bu nəslin davamçılarına hədiyyə etdilər.

Kitab Klubunda Rövşən Əlizadənin
“AZƏRBAYCAN FOLKLORUNDA TƏBİƏT KULTLARI”
kitabının təqdimatı keçirildi

Ötən gün Kitab Klubunda filoloq, Milli Elmlər Akademiyasının (AMEA) Folklor İnstitutunun elmi işçisi Rövşən Əlizadənin "Azərbaycan folklorunda təbiət kultları" kitabının təqdimatı keçirilib. AMEA-nın Folklor İnstitunun Elmi Şurasının qərarı ilə çap olunan kitabın ön söz müəllifi Seyfəddin Rzasoy sözügedən əsərin ciddi elmi əsaslara söykəndiyini qeyd etdi. Onun fikrincə, müəllifin kitabda "onqon" anlayışına münasibət bildirməsi və bu məhfumun kultdan, totemdən köklü şəkildə fərqləndiyini göstərməsi diqqətəlayiqdir.
Kitab Klubunun əməkdaşı Fazil Kərimli nəşrin aktual mövzuya həsr olunduğunu bildirərək, folklorsevənlərin marağına səbəb olacağına inandığını dedi.
Filologiya elmləri namizədi Elxan Məmmədli gənc həmkarının uğuruna sevindiyini və iki fəsildən ibarət əsərin canlı və cansız təbiət kultunu araşdırmaq baxımından qiymətli monoqrafiya olduğunu qeyd etdi.
AMEA-nın elmi işçisi Fəxrəddin Salim əsərdə türkçülüyün görünməyən tərəflərinin araşdırıldığını bildirdi.
AMEA-nın Folklor İnstitunun elmi işçiləri Qalib Sayılov, Atəş Əhmədli, Əli Kərimbəyli, Yaşar Qasımov kitabın nəşrinin təkcə müəllifin deyil, ümumilikdə Folklor İnstitutunun uğuru olduğunu söylədilər.
Tədbirin sonunda müəllif çıxış edərək ürəyində hər zaman türk sevgisi gəzdirdiyini vurğuladı və əsərdə ilk dəfə olaraq "Alp Ər Tonqa" dastanını rekonstruksiya etdiyini qonaqların diqqətinə çatdırdı.
Məlumat üçün qeyd edək ki, aktual elmi problemlə bağlı monoqrafiyada məhz təbiət cisimlərinin mifoloji düşüncənin ilkin obyektləri olduğu, ilkin mifoloji obraz və süjetlərin təbiət cisimlərinin mifikləşdirilməsi nəticəsində yarandığı göstərilir.

Tədbirin sonunda müəllif öz kitablarından gələn qonaqlara və Klubun əməkdaşlarına hədiyyə etdi.

------------------------------------------------------------------------------------------------------------------------------------------------
Rövşən Əlizadə
Azərbaycan folklorunda təbiət kultları

Monoqrafiyada müəyyənləşdirilmişdir ki, məhz təbiət cisimləri mifoloji düşüncənin ilkin obyektləri olmuş, ilkin mifoloji obraz və süjetlər təbiət cisimlərinin mifikləşdirilməsi nəticəsində yaranmışdır. Kitabdan türk kult sistemi ilə maraqlanan alimlər, tədqiqatçılar, müəllim və aspirantlar faydalana bilər.

“Nurlan”, 2008, 176 səh., 15x20, yumşaq, 500
Qiyməti : 5 AZN

Elizadə Rövshən Tofiq oğlu – 1972-ci ildə Tərtər şəhərində anadan olmuşdur. 1995-ci ildə Bakı Dövlət Universitetinin filologiya fakültəsini bitirmişdir. Sonrakı dövr ərzində Türkiyə Respublikasında mətbuat, təhsil sahələrində işləmişdir. 2003-cü ildə Bakıya dönmüş və Azərbaycan Milli Elmlər Akademiyasının Folklor İnstitutunda elmi işçi vəzifəsində çalışmağa başlamışdır. Türkiyə mətbuatında olduğu kimi Azərbaycan mətbuatında da xeyli sayda məqalələri çap olunmuşdur. Onlarla elmi, yüzlərlə elmi-publisistik məqalənin müəllifidir. Bu yaxınlarda elmi monoqrafiyası –Azərbaycan folklorunda təbiət kultları - adlı kitabı çapdan çıxmışdır.
R.Əlizadə hazırda AMEA Folklor İnstitutunun elmi işçisidir. Eyni zamanda Xalqın rəyi –qəzetinin baş redaktorudur.

27.05.2008 tarixdə Kitab Klubunun Sərgi Salonunda yazıçı Elçin Hasanın
“SPİD-ə YOLUXMUŞ ANJELA PETROSYAN BAKIDA” kitabının təqdimatı keçirildi

May ayının 27-si Elçin Hasanın "Spid-ə yoluxmuş Anjela Petrosyan Bakıda" vəhşət-kitabının təqdimatı oldu. Kitab Klubunun direktoru Elxan Rzayev gələn qonaqları və media nümayəndələrini salamlayaraq, yeni kitab barəsində ətraflı məlumat verdi. O bildirdi ki, kitabı 2 ay bundan öncə, rusca kiçik formatda Kitab Klubu çap etdirmişdir. Lakin biz belə düşündük ki, bu kitabı rus dilini bilməyən azərbaycanlılar da oxumalıdırlar. Bu səbəbdən onu Azərbaycancaya tərcümə edib yenidən nəşr etdik. Müəllif öz növbəsində kitabda əks olunan maraqlı məqamlara toxundu.

Kitab 1971-ci ildə Ermənistanın paytaxtı Yerevanda anadan olmuş erməni qızı Anjela Petrosyandan danışır. O, SPİD xəstəliyin, mübtəladır.
O, 2002-2006-cı illərdə Bakıda yaşamış və 48 azərbaycanlı kişi ilə cinsi əlaqədə olmuşdur. Həmin şəxslərin hamısı həmin xəstəliyə tutulmuşlar.
Bu kitabda müəllif - Elçin Hasan Anjela Petrosyan və yuxarıda qeyd edilən dövrdə onun Bakıdakı fəaliyyəti haqqında söz açılmışdir. Müəllif 2006-cı ildə onunla rastlaşmış və peşəkar söhbət aparmışdır.
Kitabda Anjela Petrosyanın gündəlikləri, məktubları və qeydləri də verilmişdir. Siz onun Azərbaycanda necə yaşadığı və məqsədinin nədən ibarət olduğu haqqında oxuya biləcəksininiz.
Bir erməni qadınının Bakıda 48 kişini SPİD-ə yoluxdurması gerçəkliyi nə dərəcədə əks etdirir? Belə hərəkətlərin bir fəlsəfəsi varmı? Yazıçı həmin qadın haqqında daha nələri bilir? Onun bu əsərə daxil etmədiyi faktlar və məlumatlar varmı? Təqdimat zamanı müəllif bu və başqa sualları cavablandırdı.

Kitab Klubun direktoru sonda gələn qonaqlara təşəkkürünü bildirib, gələcəkdə kitabı böyük tirajla çap etdirib Azərbaycana və xaricə yaymaq vikrini də çatdırmağı unutmadı.

Təqdimat zamanı qonaqlara kitab paylanıldı.
-----------------------------------------------------------------------------------
Elçin Hasan – 1965-ci ildə Bakı şəhərində, ziyalı ailəsində anadan olub.
(atası – tanınmış Azərbaycan fizikidir). Bakılı, rusdilli yazıçıdır. Azərbaycan Yazıçılar Birliyinin üzvüdür. Texniki elmlər namizədidir. İlk kitablarının “Uğurun əsası”, “Özünü kəşf et” nəşrlərindən sonra tanınmağa başlayıb. 15-dən çox kitab müəllifidir. Yazdığı kitabların mövzusu əsasən detektiv, publisistika, tarix, avtobioqrafiya və s.
Evlidir, iki övladı var.

Mətbuat konfransı

Kitab Klubu, 17 may 2008-ci il

XXI Tehran Beynəlxalq Kitab Sərgisi

XXI Tehran Beynəlxalq Kitab Sərgisi 01-11 may 2008-ci il tarixində İran İslam Respublikasının paytaxtındakı Müsəllada (Namazgahda) keçirilmişdir. Əldə hələ tam olmayan məlumatlara görə çox böyük bir ərazini əhatə edən bu kompleksin 45000 kvadrat metri yerli naşir və kitab tacirlərinin, təqribən 5000 kvadrat metri isə xarici nəşriyyat və müəssisələrin sərəncamına verilmişdi.
Sərgiyə gün ərzində təqrbən 200-250 min insan gəlirdi.
Sərgidə Azərbaycan Respublikası iki bölmə ilə təmsil olunmuşdur. Bölmələrdən biri İqtisadi Əməkdaşlıq Təşkilatının üzvü olan ölkə kimi Azərbaycan Respublikasına ayrılmış və İİR-dəki Azərbaycan səfirliyi tərfindən təchiz edimişdir. İkinci bölmə isə Kitab klubu və Beynəlxalq Əl-Hoda nəşriyyatının Bakı şöbəsi tərəfindən təchiz edilmişdir.

Sərginin gedişində Azərbaycan Respublikası günü keçirilmişdir.

Kitab klubu sərgiyə təqribən 150 adda 500 nüsxəyə yaxın kitab aparmışdır. Kitabların mövzusu Azərbaycan tarixi, dili, ədəbiyyatı, Qarabağ problemi və Xocalı soyqırımı ilə bağlı olmuşdur. Təqribən 40 adda uşaq kitabları nümayiş etdirilmişdir.

Aparılan kitablar Azərbaycan Respublikasında fəaliyyət göstərən Şərq-Qərb, Adiloğlu, Əbilov Zeynalov və oğulları, Qanun, Altun kitab, Tutu, Şirvannəşr, Azərnəşr, Oka-ofset, Min bir mahnı, Nafta Press, Qələm, Kitab Klubu və s. nəşriyyat və müəssisələrin məhsulu olmuşdur.

Kitab klubu sərgidən İİR-də ərəb qrafikası ilə azərbaycan dilində nəşr edilmiş kitablardan nümunələr gətirmişdir. Bu kitablara bizim sərgi salonunda baxmaq olar.

Kitab klubu və AСİ YF-Azərbayсan «Sınaq nüsxəsi» layihəsi

Layihənin məqsədi Azərbayсan müəlliflərinin maddi imkansızlıq üzündən gizli qalmış potensialını üzə çıxartmaqdır.
Kitab klubu müəllifin elektron variantda təqdim etdiyi, indiyə qədər çap edilməmiş əsərini mütəxəssis rəyinə göndərir. Rəy müsbət olduğu halda onu 20 nüsxə tirajla çap edib, kitab mağazalarına, kitabxanalara və iсtimai mərkəzlərə göndərərək kommersiya tutarlılığnı öyrənir. Həm ədəbi, həm də kommersiya сəhətdən dəyərli əsərlər çap edilmək üçün nəşriyyatlara təklif ediləсək və ya Kitab klubu tərəfindən daha böyük tirajla nəşr ediləсəkdir.
Layihəyə təqdim edilən əsərlərin canrına məhdudiyyət qoyulmur.
Layihə haqqında daha geniş məlumatı www.kitabklubu.org internet səhifəsindən oxuya bilərsiniz.

Bu gün həmin layihənin ilk kitabını – Rövşən Yerfi təxəllüsü ilə yazan Rövşən Həsənlinin «Qadın düşərgəsi» və «Sel» povestlərini sizə təqdim edirik. Bu kitaba həm ədəbi, həm də kommersiya yönümlü bir sıra müsbət rəylər alınmışdır.
Ümid edirik ki, bu ilk kitabın addımları sayalı olaсaqdır.

Növbəti məlumatımız Kitab Klubunun hər il təşkil etdiyi Respublika Kitab Satış-Sərgisi ilə əlaqədardır. Bildiyiniz kimi həmin tədbir hər il may ayının 3-сü həftəsinin sonunda keçirilir Rəssamlar İttifaqının V.Səmədova adına sərgi salonunda keçirilir. Bildirmək istəyirik ki, bu il həmin salonun təmirdə olması ilə əlaqədar payıza qədər təxirə salınır.

"Kitabşünaslıq və nəşriyyat işi" jurnalının təqdimatı

26 aprel 2008-ci ildə Kitab Klubunda (Mustafa Sübhi küçəsi 13) “Kitabşünaslıq və nəşriyyat işi” jurnalının təqdimatı keçirildi. Tədbiri ənənvi olaraq Klubun direktoru E.Rzayev açdı və belə bir gərəkli jurnalın kitabsevərlər, nəşriyyat işçiləri və kitabçılar üçün maraqlı bir mətbu orqan - "Kitabşünaslıq və nəşriyyat işi" jurnalının birinci sayının (yanvar-mart) qədəmlərini təbrik etdi, ürək sözlərini bildirdi. Elmi-nəzəri və təcrübi məzmun daşıyan jurnalda kitab və kitabçılıq işinin ən aktual, maraqlı məsələləri - kitab nəşri, təbliği, yayılması, tərtibatı, oxucu-kitab münasibətləri işıqlandırılıb.
Sözü ikinci olaraq jurnalın təsisçisi, BDU-nin professoru Bayram Allahverdiyevə verdi.
Bayram müəllim gələn çoxsaylı qonaqları salamladı və jurnal haqqında aşağıdakıları söylədi:
İldə 4 dəfə çap olunacaq jurnalın birinci nömrəsi (yanvar-mart) bir neçə gün bundan əvvəl çapdan çıxmışdır. Bu elmi-nəzəri və təcrübi jurnalda kitab və kitabçılıq işinin ən aktual və maraqlı məsələləri, yəni kitab nəşri, təbliği, yayılması, tərtibatı, oxucu və kitab münasibətləri və s. işıqlandırılmışdır.
Jurnalın birinci nömrəsindəki materiallar, aşağıdakı rubrikalar (şöbələr) daxilində verilmişdir: “Kitabşünaslıq”, “Kitab nəşri problemləri”, “Kitabçılıq işi”, “Kitab tərtibatı”, “Jurnalistika problemləri”, “Mətnşünaslıq” və s.
Kitabşünaslıq rubrikasında “XX əsr Azərbaycan kitabşünaslığına nəzəri baxış” və “Azərbaycan kitab tipologiyasının müasir problemləri” adlı çox maraqlı elmi-nəzəri məqalələr dərc edilib. Hər iki məqalədə geniş oxucu kütləsi üçün maraqlı olan mövzular haqqında şərhlər verilir. Məsələn, “XX əsr Azərbaycan kitabşünaslığına nəzəri baxış” adlı yazıda XX əsrdə kitab haqqında elmin inkişafı, onun elmi təfəkkür sistemi kimi zənginləşməsi, kitab tipologiyasının janr və metodları haqqında maraqlı məlumatlar var.
Jurnalın ikinci böyük rubrikası “Kitab nəşri problemləri” adlanır. Burada, “Azərbaycanda uşaq kitablarının nəşri”, “M.Ə.Sabirin əsərlərinin nəşri və tərtibi xüsusiyyətləri”, “Müəlliflik hüququnda əlaqəli hüquqlar anlayışı”, “Elektron informasiya resurslarının qısa xarakteristikası”, “Elektron nəşrlərin inkişaf mərhələləri və reallaşdırılması yolları” adlı məqalələr verilmişdir. “Elektron informasiya resurslarının qısa xarakteristikası» adlı məqalə müasir dövrlə xüsusilə səsləşir. Belə ki, ilk dəfə bu jurnalda “Elektron informasiya resursları”, “Elektron sənəd” və “Elektron nəşr” anlayışları haqqında məlumatlar oxucuların istifadəsinə verilir. Elektron məlumatlar – rəqəm, hərf, simvol və onların kommunikasiyası, elektron proqramlar, “Məlumatın emalı” və müəyyən vəzifələri yerinə yetirən operator qrupları və s. bir resursda əlaqəli şəkildə izah edilir. Oxucular bu məqalə vasitəsilə elektron sənəd və elektron nəşrin mahiyyəti, məzmunu və quruluşu ilə də tanış ola bilərlər.
“Kitabçılıq işi” şöbəsində də oxuculara çox maraqlı yazılar təqdim olunur. Məsələn, “Əlyazma kitabları orta əsr Azərbaycan kitabxana fondlarının təşkilinin əsası kimi”, “Azərbaycanda kitabçılıq işinin təşkili və inkişafı məsələləri”, “Çap məhsullarının yayılmasında istifadə edilən yeni üsullar» və «Azərbaycanda tərcümə tarixindən” və s.
Bu rubrikada verilmiş çap məhsullarının yayılmasında istifadə edilən yeni üsullar nəşriyyat və kitab ticarəti işçiləri üçün çox maraqlı yeniliklərlə zəngindir. Burada nəşriyyat məhsullarının istehlakçılara çatdırılmasının yeni üsulları: satış və onun stimullaşdırılması, tədarük və əmtəə çeşidinin yaranması, iri əmtəə partiyalarının xırdalıqlara parçalanması, daşınma, maliyyələşdirmə, riskin qəbul edilməsi, bazar haqqında informasiya verilməsi, idarəetmə üzrə xidmətlər və məsləhətçi xidmətləri haqqında dünya təcrübəsi ilə əlaqəli şəkildə məlumatlar öz əksini tapmışdır. Məqalənin ən əhəmiyyətli cəhətlərindən biri budur ki, bazar iqtisadiyyatı şəraitində müəssisənin yerləşdirilməsi, qiymətlər haqqında qərarlar, pərakəndə ticarət və s. haqqında yeni məlumatlar verilir. Bu məqalə indiki şəraitdə kitabın yayımının bütün yeni üsullarını və formalarını əhatə edir.
Jurnalın bu nömrəsində “Kitab tərtibatı”, “Jurnalistika problemləri” və “Mətnşünaslıq” rubrikalarında da oxucuların marağına, sevincinə səbəb olan məqalələr, yazılar dərc edilmişdir. Məsələn, “Orta əsr Azərbaycan xəttatlıq sənəti”, “Mətbuatın özəl sektorunun yaranması tipoloji sistemin zənginləşməsinin əsası kimi” və «Tarixi mifoloji mətn və onun analitik təhlili» və s. məqalələrdə oxuculara ən yeni məlumatlar, nailiyyətlər, axtarışların nəticələri çatdırılır.
Göründüyü kimi, “Kitabşünaslıq və nəşriyyat işi” adlı jurnal öz oxucularını kitabla bağlı bir çox sorğu və tələblərlə tanış edəcək, onların bilik və məlumatlarını zənginləşdirəcək. Əminik ki, “Kitabşünaslıq və nəşriyyat işi” jurnalı öz məram və məqsədi ilə oxucular tərəfindən rəğbətlə qarşılanan və sevilərək oxunan kütləvi jurnallardan biri olacaqdır.

Klubda Maksim Musayevin “HEYDƏR ƏLİYEVİN QAYIDIŞI PARLAMENTDƏ”
kitabının təqdimatı keçirildi (18.04.2008)

18.04.2008 tarixdə Kitab Klubunda Maksim Musayevin “Heydər Əliyevin qayıdışı parlamentdə” kitabının təqdimatı keçirildi. Tədbir zamanı kitabın müəllifi olan Maksim Musayev öz kitabını ərsəyə gəlməsi haqqında ətraflı söhbət açdı. Söhbət zamanı M.Musayev Millət vəkili işlədiyi dövrlərə qayıdaraq Heydər Əliyev haqqında öz xatirələri ilə bölüşdü.

Maksim Musayev
"Heydər Əliyevin qayıdışı parlamentdə"
Müəllifin bu kitabında özünün bilavasitə iştirak etdiyi və şahidi olduğu hadisələr əsasında dövlətimizin tarixi şəxsiyyəti Heydər Əliyevin ölkə rəhbərliyinə yenidən qayıdışının təşkili, o zamanlar xalqımızın taleyi ilə bağlı mühüm məsələlərin aparılması və həlli, xüsusilə parlamentdə bu sahədə görülən işlər əks olunmuşdur. Yaxın taleyimizi daha dərindən öyrənmək üçün bu kitabdakı məlumatların müstəsna əhəmiyyəti vardır. Kitab vətən tariximizi diqqətlə öyrənən, oxucular, siyasət adamları, parlament üzvləri və gələcəkdə milləti təmsil etməyə hazırlaşan gənclər üçün vacib məlumatlarla zəngindir.

ISBN 9952-403-35-6, “Günəş” nəşriyyatı, 2007, 192 səh., 13x20, sərt qapaq, tiraj 500

MAKSİM TALIB OĞLU MUSAYEV (qısa arayış)
Qərbi Azərbaycanda anadan olmuşdur. İrəvanda orta məktəbi, Gəncədə texnikumu, Leninqradda (Sankt-Peterburq) aspiranturanı və Ali Partiya məktəbini bitirmişdir. Tambov vilayəti Miçurinsk şəhərində alimlik dərəcəsi almışdır. Əmək fəaliyyətinə Vedi ra-yonunun Şirazlı kəndində müəllimliklə başlamış, Azərbaycan Komsomolu Mərkəzi Komitəsində, Azərbaycan Respublikası Xalq Nəzarəti Komitəsində, Azərbaycan KP Mərkəzi Komitəsində işləmişdir. Azərbaycan Dövlət Qaçqınlar Komitəsi sədrinin müavini, Qax rayon Partiya Komitəsinin birinci katibi, Xızı rayon Sovetinin sədri və İcra Hakimiyyətinin başçısı vəzifələrində işləmişdir.
Azərbaycan Respublikası Ali Sovetinin və Milli Məclisinin 15 il fasiləsiz deputatı olmuşdur. Rayon Sovetlərinə 12 il deputat seçilmişdir. Milli Məclisin Yerli özünü idarəetmə məsələləri daimi komissiyası sədrinin müavini kimi Bələdiyyələr haqqında ilk qanunları hazırlayanlardan biridir. Deputat olduğu müddətdə Parlamentlərarası İttifaqın üzvü və Azərbaycan - Çin Parlamentlərarası Əlaqələr üzrə işçi qrupunun rəhbəri seçilmişdir. Parlamentə aid 6 kitab müəllifidir.

Təqdimatın sonunda müəllif əziyyət çəkib gələn qonaqlara öz təşəkkürünü bildirdi.

Kitab Klubunun Sərgi Salonunda Şahlar Əsgərovun “DÜŞÜNCƏ TƏRZİ”
kitabının təqdimatı

Bakı Dövlət Universitetinin professoru Şahlar Əsgərovun "Düşüncə tərzi" adlı kitabının aprelin 12-də Kitab Klubunda təqdimatı oldu.
Kitabda bəzi ictimai-sosial hadisələr və proseslər müasir dünya görüş işığında təqdim edilmişdir. Kitab 4 fəsildən ibarətdir: düşüncə tərzi, dövrün səciyyəsi və fəlsəfəsi, şərq-qərb düşüncə tərzi, fəlsəfi yüklü məqalələr.
Bir tərəfdən biz qloballaşma şəraitində bir ictimai siyasi quruluşdan digərinə keçir, digər tərəfdən Şərq ölkəsi olaraq Qərbə inteqrasiya yolunu tutmuşuq. Bu proseslər çoxlu suallar törədir və həlli vacib çoxlu problemlər yaradır. Keçidləri asanlaşdırmaq, problemləri həll etmək, suallara cavab vermək üçün yeni dünya görüşə və düşüncəyə ehtiyac böyükdür. Yeni düşüncə milli, bəşəri və liberal-demokratik dəyərlər əsasında formalaşa bilər.

Qeyd edək ki, Ş.Q.Əsgərov 180-dən çox elmi, 600-dən çox elmi-publisistik məqalənin müəllifidir. Cəmiyyətimizdə gedən ictimai-siyasi proseslərə öz münasibətini “Birliyin mayası haqq-ədalətdir”, “Keçid dövrünə fəlsəfi baxış”, “Hamımızın bir vətəni var - bu da Azərbaycandır”, “Birlik probleminə fəlsəfi baxış” və “Təhsilimiz dünən, bu gün, sabah” kitablarında bildirmişdir.
1995 - 2005-ci illərdə Milli Məclisin üzvü, 2000-ci ildən Elm və təhsil məsələləri daimi komissiyasının sədri vəzifəsində çalışmışdır. Bir çox beynəlxalq elmi qurumların və Azərbaycan Jurnalistlər Birliyinin üzvüdür.

Təqdimatın sonunda Ş.Əsgərov və Kitab Klubunun direktoru gələn qonaqlara və Media əhlinə öz minnətdarlıqlarını bildirdilər, onlara müəllif öz imzası ilə kitablarını bağışladı.

Aprelin 5-də Kitab Klubunda Kurt Davidin “Çingiz xan”ın Azərbaycan dilinə

tərcümə olunmuş variantının təqdimatı

Aprelin 5-də Kitab Klubunda müasir alman ədəbiyyatında tarixi romanlar müəllifi kimi tanınan Kurt Davidin “Qara Qurd” və “Tengeri, Qara Qurdun oğlu” dilogiyasının birinci kitabı olan “Çingiz xan”ın Azərbaycan dilinə tərcümə olunmuş variantının təqdimatı keçirilmişdir.

Tədbirdə çıxış edənlər (Elxan Rzayev (Kitab Klubunun direktoru), Munisə Dadaşqızı - kitabın tərcüməçisi, Vilayət Hacıyev (Az-n Dillər Universitetinin tərcümə fakültəsinin dekanı, dosent), Mübariz Məmmədli (Nizami Gəncəvi adına muzeyin direktor müavini), Maksim Musayev (keçmiş millət vəkili), Səlim Babullaoğlu (Dünya Ədəbiyyatı dərgisinin tərcüməçi), Fazil Kərimov (Kitab Klubunun əməkdaşı), Əlikram Müzəffər) bildirmişlər ki, kitab tarixə vahid monqol dövlətinin banisi kimi düşmüş, bütün Avrasiyanı öz cənginə almış, əsilzadə noyonların rəiyyət üzərində ağalığını Yasa-qanunlar məcəlləsini təsbit etməklə, tarixdə ilk konstitusiya yaratmış böyük sərkərdə Timuçinin - Çingiz xanın hakimiyyətə gəldiyi və öz hakimiyyətini möhkəmləndirdiyi dövrü əks etdirmişdir. Bildirilmişdir ki, müəllif təxəyyülünün məhsulu olmayan bu əsərdə tarixi məxəzlərə istinad edən Kurt David öz qəhrəmanının həyatını oxucularına yaxından yaşatmaq üçün Monqolustan ərazisini qarış-qarış gəzmişdir.

Kitabı alman dilindən Azərbaycan dilinə AMEA-nın Nizami Gəncəvi adına Azərbaycan ədəbiyyatı muzeyinin kiçik elmi işçisi Munisə Dadaşqızı tərcümə etmişdir. Kitabın redaktoru Azərbaycan Dillər Universitetinin tərcümə fakültəsinin dekanı, dosent Vilayət Hacıyevdir.

Tədbirdə oxucuları maraqlandıran suallara cavab verilmişdir.

Kitab Klubunda türk yazıçısı ilə tanışlıq

Yanvarın 30-u Kitab Klubunda Türk ədəbiyyat aləmində öz sözünü demiş, türk yazıçısı Rəcəb Şükrü Güngörlə Azərbaycan oxucuları arasında görüş, həmçinin yazarın yeni çap edilmiş "Yas ayini" (Hekayələr) kitabının təqdimatı keçirildi. İlk əvvəl qonağı Kitab Klubunun direktoru salamladı və yazara xoş sözlər söylədi, sonra o Azərbaycanda kitab aləmində sürən məsələrdən danışdı. Klubda keçən tanışlıq mərasimində gənc türk yazıçısı öz əsərlərindən, Türkiyədə hazırda tanınmış yazıçılardan, ədəbiyyat səhnəsində baş verən hadisələrdən söhbət açdı. Türkiyəli qonağa Azərbaycan yazarları və oxucuları öz suallarını ünvanladılar. Görüş çox isti və maraqlı söhbətlərlə keçdi. Tədbirdə türk yazıçısından başqa Azərbaycanın gənc yazarlarından Rasim Qaraca, Rafiq Tağı, müəllim Əlövsət Əmirbəyli və s. qonaqlar iştirak edirdilər.
Sonda müəllif öz kitablarından Kitab Klubunun fondu üçün bağışladı.
-------------------------------------------------------------------------
RƏCƏB ŞÜKRÜ GÜNGÖR
1971 ildə Türkiyənin Qəhrəman Maraş şəhərində anadan olub, ilk və orta təhsilini burada tamamlayıb. Cümhuriyyət Universiteti Ədəbiyyat Fakültəsindən məzun olub. Hekayələri: Martı, Okuntu, İnsan Saatı, Yalqızardıç, Yitik Düşler, Sühan, Kaşgar, Ədəbiyyat Yaprağı, Tasfiye, Yeddi İklim, Hece Hekayə, Sızıntı, Yağmur Ardıç, Kuyudakı Koro dərgilərində yayımlandı. İdeal Kariyer və Duyğu Dəryası dərnəklərinin yazarlıq kurslarında "Hekayə Yazma Texnikləri və Bizim Hekayəmiz" mövzusunda dərslər verdi. "Toyuqçunun Ölümü" adlı hekayəsiylə "Radio Həyat 2005 Hekayə Ödülü"nü qazandı.
Yazar, Fatih Kollecində ədəbiyyat öyrətmənliyi edir.

---------------------------------------------------------------------------
Rəcəb Şükrü Güngör
Yas ayini. Hekayələr
Örxan Pamukun Nobel zəfərindən sonra Türk ədəbiyyatı dünyanın diqqət mərkəzinə gəldi. Bu ölkədə nəsr əsərləri yaradan daha kimlər var? Yeni-yeni əsərlər və yazıçılarla tanış olduqca Azərbaycan oxucusu çoxsəsli Türkiyə ədəbiyyatının ümumi mənzərəsini tanımağa çalışır. Bu mənzərəni yaradanlar- dan biri Rəcəb Şükrü Güngördür. Öz ölkəsində gəlişməkdə olan çox fərqli bir nəsr ənənəsinin davamçısı olan R.Ş.Güngörün Azərbaycan oxucusuyla ilk tanışlığıdır bu kitab.

Dekabrın 28-də ötən ilin yekunları ilə bağlı Bakı Kitab Klubunun sərgi salonunda (Mustafa Sübhi, 13) kitab işinin inkişafına yardım göstərən Media işçilərinin mükafatlandırılma mərasimi keçirilib.
Mərasimdə Azərbaycan mediasında fəaliyyət göstərən dörd jurnalist – Muradova Nərmin Eldar qızı (“Paritet” qəzeti), Qasımova Ülkər Rəşid qızı (APA), Əsədov Bariz Əsəd oğlu (“Azərbaycan” qəzeti) və Nağıyev Sabutay Yavər oğlu (“Mədəniyyət” qəzeti) Bakı Kitab Klubunun təsis etdiyi "Mətbuatda dərc olunmuş məqalələri ilə ölkədə kitab işinin inkişafına etdiyi köməyə görə" nominasiyasında klubun fəxri diplomu və qiymətli hədiyyələrlə təltif edilmişdir. Qeyd edək ki, jurnalistlərə mukafatları 101,7 FM – Azadlıq Radiosunun Bakı ofisi təqdim edib.
Xatırladırıq ki, bu nominasiya 3 ildir ki, təsis olunub. Artıq Muradova Nərmin (“Paritet” qəzeti) və Əsədov Bariz (“Azərbaycan” qəzeti) iki dəfə həmin mükafata layiq görülüblər.
Tədbirdə Media nümayəndələrinə qurumun həyata keçirdiyi layihələr, təqdimatlar, yeni nəşrlər, klubun buraxdığı jurnal-kataloqun yeni nömrələri barədə də məlumat verildi.

Xəbər verildiyi kimi, Bakı “Kitab Klubu” "Xarici ölkələrin kitabları ilə tanışlıq" adlı layihə çərçivəsində xarici ölkələrin kitablarının nümayişi həftələrinin keçirilməsini davam etdirir.
Bu layihə çərçivəsində 26 noyabr 2007-ci il tarixində Kitab Klubunun təqdimat zalında (Mustafa Sübhi küç. 13, “Axundov Bağı”ndan yuxarı, 150 №-li məktəbin yanı) İran İslam Respublikasının kitabları həftəsinin açılışı oldu. Tədbirdə media nümayəndələri ilə yanaşı Azərbaycan nəşriyyatlarının nümayəndələri, İran Mədəniyyət Mərkəzinin rəhbərliyi və İranın “Əl Hoda” dövlət nəşriyyatının nümayəndələri iştirak edirdi.
Tədbirin açılışında İran Mədəniyyət Mərkəzinin nümayəndəsi Həmid Səfəvi, Beynəlxalq “Əl Hoda” nəşriyyatının Bakı şöbəsinin nümayəndəsi Rəfail Babayev, Bakı “Nafta-Press” nəşriyyatının direktoru Hafiz Abıyev və Bakı “Kitab Klubu”nun direktoru Elxan Rzayev çıxış etdilər.
Sərgidə İran və Azərbaycan mətbəələrində çap olunmuş həm İran, həm də Azərbaycan nəşriyyatlarının müxtəlif mövzuda və müxtəlif çeşiddə 200-dən artıq kitabı nümayiş etdirilir. Nümayiş etdirilən kitablar içərisində fars dilindən başqa, Azərbaycan, ingilis, rus və s. dillərdə kitablar da vardır. Kitablar içərisində əski əlifba ilə çap olunmuş Azərbaycan dilində kitablar da az deyil. Qeyd edək ki, unikal kitablar sırasından fars dilində Tehranda çap olunmuş 45 cildlik İslam Ensiklopediyasının ilk 11 cildi də nümayiş etdirilən ədəbiyyat sırasındadır.

Tədbir 10 dekabra kimi davam edəcəkdir.
Sərginin iş saatları – bazar günündən başqa hər gün 10:00-dan 19:00-a qədərdir.

“ERMƏNİLƏR VƏ HƏQİQƏTLƏR” (rəsmi sənədlərlə) kitabının təqdimatı keçirildi

Oktyabrın 20-də Kitab Klubunda “Ermənilər və həqiqətlər” (rəsmi sənədlərlə) 1 cild kitabının təqdimat mərasimi keçirilib. Tədbirin aparıcısı tarix e. d., BDU-nun professoru Elmira xanım Muradəliyeva Türkiyədə yaşayan müəllif Fazil Qaraoğlunun öz kitabının təqdimatına gələ bilməsini açıqladı, kitabın aktual cəhətləri barədə danışıb sözü tarix e.d. Süleyman Əliyarlıya verdi. O, kitab və “erməniçilik” ideologiyası ətrafında geniş məlumat verdi, Türkiyədə yaşayan, belə bir kitabın yazılmasında tədqiqatçıya təşəkkürünü bildirdi. Kitabın baş redaktoru Əlövsət Əmirbəyli öz növbəsində kitabın ərsəyə gəlməsində böyük zəhmətlərin olmasını vurğuladı. Geniş məlumat verən baş redaktor, kitabda toplanan rəsmi sənədlər ətrafında danışdı. Klubun direktoru Elxan Rzayev və əməkdaşı Fazil Kərimli də bu kitabın aktuallığını, onun bir neçə dilə tərcümə edib yayılmasının vacib olduğunu qeyd etdilər. Tədbirdə "Vətəndaş və tarix" kitabının müəllifi, tarixçi İrşad İbrahimov “Böyük Ermənistan” xülyaları haqqında öz fikirlərini söylədi. Tanınmış kinorejissor, bir sıra kitab müəllifi Nazim Rza İsrafiloğlu ermənilərin törətdikləri vəhşilikləri, yeni çəkilən film, bu mövzuda Türkiyədə alıb oxuduğu kitablar barəsində öz düşündüklərini tədbir

iştirakçılarına çatdırdı.
Tədbirdə Fazil Qaraoğlunun “Ermənilər və həqiqətlər” (rəsmi sənədlərlə) kitabı gələn qonaqlara pulsuz paylandı.
Sonda təqdimatın aparıcısı E. Muradəliyeva gələn qonaqlara öz təşəkkürünü bildirdi.
____________________________
Kitab haqqında geniş məlumat:

Prof. Fazil Qaraoğlu
Ermənilər və həqiqətlər (rəsmi sənədlərlə) 1 cild
Türk - Erməni münasibətlərinə dair dünyada aparılan araşdırmaların ətraflı öyrənilməsi mühüm məsələlərdən biridir. Fazil Oaraoğlunun “Ermənilər və həqiqətiər” adlı kitabı məhz bu səpkidə yazılmış əsərdir. Kitabda 350 adlı qaynaq və elmi əsərlərdən istifadə olunmuşdur. Bunların sırasında ermənilər tərəfindən yazılan əsərlərin təhlili və onların qeyri-elmi baxışı, mövqelərinin qeyri-obyektiv olması sübuta yetirilir. Eyni zamanda kitabda Türkiyə Cümhuriyyətinin arxiv sənədlərindən geniş istifadə olunmuşdur və bu da Azərbaycan tarixşünaslığı üçün böyük maraq kəsb edir. Bunların sırasında erməni komitələrinin yaranması və fəaliyyəti, Van vilayətində törətdikləri hadisələr, Zerə faciəsi, Bitlis ve Muş vilayətlərində ermənilərin törətdikləri vəhşiliklər, eyni zamanda 1918-1920-ci illər ermənilərin Azərbaycanda törətdikləri hadisələr rəsmi sənədlər əsasında açıqlanır.
Hesab edirəm ki, kitabın konsepsiyası düzgün qurulmuşdur. Böyük dövlətlərin “erməni məsələsi”ni ortaya ataraq, erməni faktorundan istifadə edərək Osmanlı dövlətini yıxmaq, Quzey Azərbaycan ərazisində etnik təmizləmə aparıb öz torpaq iddialarını həyata keçirmək olmuşdur. Maraqlı məsələlərdən də biri kitabda araşdırılan "erməni məsələsi”ndə kilsənin roludur. Erməni millətinin formalaşmasında və ona vətən yarada biləcək güc kimi kilsə həlledici rol oynamışdır. Kitabda sübuta yetirilir ki, kilsə “erməni məsələsi”nin müəlliflərindən biridir.
Fazil Qaraoğlunun “Ermənilər və həqiqətlər” kitabı tarixi hadisələri dürüst təsvir edir. Türk gənclərinin fəal vətəndaşlıq mövqeyinin, geniş dünyagörüşünün yetişməsində bu əsərin böyük rolu ola bilər. Deyilənləri nəzərə alaraq bu kitabın müxtəlif dillərə tərcümə edilməsi məqsədə uyğundur.

_____________________
Prof. Fazil Qaraoğlunun əsərləri:
Qurani-Kərim (azərbaycan dilində)
Коран (rus dilində)
Peyğəmbərimiz Hz. Məhəmmədin həyatı
İslama giriş (tərcümə)
İslam əxlaqı (tərcümə)
Наше предпочтение – Ислам
Türk millətinin tarixi, qurduğu dövlətlər və ata-babaları (dərslik)
Türk İslam dünyası ( 2 cild)
Ermənilər və həqiqətlər (rəsmi sənədlərlə) 1 cild

Xəbər verildiyi kimi, Bakı “Kitab klubu” «Xarici ölkələrin kitabları» adlı layihə çərçivəsində xarici ölkələrin kitablarının nümayişi həftələrinin keçirilməsini planlaşdırır. Bu haqda ötən həftə müxtəlif media vasitələri məlumat yaymışdı.
Oktyabrın 16-da “Kitab Klubu” ilk kitab həftəsinə – Azərbaycanda səfirliyi olan üç türkdilli ölkənin - Türkiyə, Qazaxıstan və Özbəkistanın kitablarının nümayişi ilə başladı. Oxucular bu kitablarla oktyabrın 30-dək Bakı “Kitab Klubu”nda tanış ola bilərlər. Sərgidə ən müxtəlif mövzularda və müxtəlif dillərdə olan 120-dək kitab nümayiş olunur.
Türkdilli ölkələrin kitab həftəsinin açılışında media mənsublarından və həmin ölkə səfirliklərinin nümayəndələrindən başqa, Axundov ad. Respublika Kitabxanasının direktoru Kərim Tahirov, “Azərbaycan Dünyası” şəkil qalereyasının direktoru, məşhur kitab qrafikası ustası Arif Hüseynov və respublikanın tanınmış naşirləri də iştirak edirdilər.

Xarici ölkənin kitabları “Kitab Klubu”nun Mustafa Sübhi küçəsi 13 ünvanındakı (Axundov Bağından yuxarı, 150 №-li məktəbin yanı) sərgi salonunda 2 həftə müddətində nümayiş etdiriləcək. Oxucular kitablara baxmaq, klubda oxumaq, sifariş etmək, satışda olanları isə almaq imkanına malik olacaqlar. Tədbir çərçivəsində kitabları nümayiş etdirilən ölkənin nümayəndələri ilə görüşlər, kitabların müzakirəsinin keçirilməsi nəzərdə tutulub.

Ассоциация деятелей культуры «ЛУЧ» провела в Книжном Клубе

Создатель сайта – веб-дизайнер и программист в одном лице – член Ассоциации, поэт Искендер Искендеров. На главной странице представлена интерактивная лента новостей культуры Азербайджана и кнопки всех рубрик сайта, которые удобно открываются в новых окнах. В рубрике «О нас» собраны статьи из газет о деятельности Ассоциации и короткая справка об истории ее создания.

В рубрике «О каждом понемногу» представлены все члены Ассоциации. У каждого свое окно, в котором размещены фотографии и краткие автобиографические данные.

В ссылке «Наши книги» посетители сайта могут найти все 4 книги, созданные Ассоциацией за 3 года ее существования. С обложки каждой книги прямой выход на содержание, причем как полное, так и по каждому автору в отдельности.

В остальных рубриках читатели найдут информацию об уставе учрежденных Ассоциацией премий – Премии «Гранат» и премии им. М.П.Вагифа, ссылки сайтов СП Азербайджана, на персональные сайты Анара, Чингиза Абдуллаева, www.novosti.az и другие. В гостевой книге каждый посетитель может написать отзыв о сайте.

Kitab Klubunda Safruhun “Ata Səcdəsində – Ruh yaddaşı”
kitabının təqdimat mərasimi keçirilib

Sentyabrın 22-də Kitab Klubunda Mütləqə İnam yaradıcısı, Ruhani Ocaq Atası, dahi Azərbaycan filosofu Asif Atanın Dünyabaxışından bəhs edən Safruhun “Ata Səcdəsində – Ruh yaddaşı” kitabının təqdimat mərasimi keçirilib. Tədbiri giriş sözü ilə açan Kitab Klubunun əməkdaşı Fazil Kərimli kitabın özünəməxsus cəhətləri barədə danışıb: “İndi yurdumuzda fəaliyyət göstərən Ocaq məhrum filosof Asif Atanın vaxtilə BDU-da yaratdığı “Etik və Estetik tərbiyə klubu”nun davamı və inkişafıdır. Bu kitab Asif Atanın Ocağının ən çox yasaqlandığı 1984–90-cı illərdə və elə həmin günlərdə Ata ilə Safruhun canlı, gündəlik yazışmalarından yaranıb”.
Kitabın müəllifi Safruh Atalı Azərbaycanı dünyada bənzəri olmayan möhtəşəm ölkə olduğuna inamını ifadə etdi: “Asif Ata ruhumuzun bənzərsizliyinin nədən ibarət olduğunu göstərdi. Mən onun ruhunun aynasındakı Azərbaycanı ürəkdən sevdim, bağlandım”.
1962-ci ildən gündəlik yazdığını deyən Safruh Asif Ata ilə tanış olduğu 1975-ci ilin fevralından sonra bu yöndə daha ardıcıl qeydlər apardığını vurğulayıb: “6–7 il əvvəl ötən illərdəki qeydlərimi bir daha nəzərdən keçirdim, gördüm ki, Atalı çağlarda apardığım qeydlər sabah üçün gərək ola bilər. Kitab biçimi yarandıqdan sonra qənaətimin bir daha doğruluğuna əmin oldum. Bir daha anladım ki, Asif Atanın Atalığı nə qədər çətin iş imiş”.
Uluyurd Hərəkatının Öndəri Abil Ulusoy kitabın çıxması münasibətilə Safruhu təbrik edib: “Safruh 30 ildən çoxdur ki, Asif Ata deyir. Onun gündəliklərinin 2 kitab halında ərsəyə gəlməsi bənzəri olmayan hadisədir”.
İşıqlı Atalı kitabı sabaha ünvanlanan xalq quruculuğu yönündə ruhani müqavimət nümunəsi adlandırıb: “Kitab Özümlüyümüzü görmək ənənəsinin yaradılmasına xidmət edir, Ata əməlindən soraqlar onun yetkin qeyri-adi ruhaniyyatçılıq əməlindən xəbər verir. “Ata səcdəsində kitabı Atanın xarakterinin bütün məqamlarda dəyişməz qalmasını bir daha sübut edir”.

Ocaq Yükümlüsü Soylu Atalı Safruhun “Ata Səcdəsində” kitabını Ruhani Abidə adlandırıb: “Bu, uca qardaşımızın “Başlanğıc” kitabının davamıdır. Safruhun zəngin yaradıcılığı var. O, özünəməxsus cikkə, haray və içsəs janrlarının yaradıcısıdır. Daim yurdumuzun qayğılarını böyük ürək sahibi olaraq yetkincəsinə müşahidə edir, ciddi qənaətlərə gəlir. Bu gün Türk Dünyasının birliyi yönündə çox danışılır. Hesab edirik ki, Ocaq ideyalarından kənarda, Ocaq ideyalarına əsaslanmadan bu birliyi yaratmaq mümkün deyil. Gərək Türk Dünyası həqiqəti eşitməkdən qorxmasın. Ziyalının əlində dünyabaxışı səviyyəsində ciddi bir meyar olmalıdır. Safruhun kitabları bu meyarın ilkin təməlindən, ciddi başlanğıc yerişindən bəhs edir. Safruh başdan-ayağa Ataya, Amala bağlıdır. O, çox imtinalara çatıb, rahatlığından keçib, evini İnam Evinə verib. Bu, böyük fədakarlıqdır. Onun ömrüylə qürur duyuram”.
Çoxsaylı qonaqların iştirak etdiyi tədbir “Ata Səcdəsində – Ruh yaddaşı” kitabının iştirakçılara hədiyyə edilməsi ilə başa çatdı.

30 iyun 2007-ci il Kitab Klubunun Sərgi Salonunda
Fərid Bağırlının rus dilində yazdığı “МЕЖДУ ПРОШЛЫМ И ВЕЧНОСТЬЮ”

30 iyun 2007-ci il tarixində Kitab Klubunun Sərgi Salonunda yazar Fərid Bağırlının rus dilində qələmə aldığı "Keçmişlə əbədiyyət arasında" kitabının təqdimat mərasimi keçirilib. Mərasimi giriş sözü ilə açan Kitab Klubunun əməkdaşı Fazil Kərimov bildirib ki, Fərid Bağırlı rusdilli oxucu auditoriyasına yaxşı tanışdır. Kitabın mövzu baxımından insanın cəmiyyətdəki mövqeyinə və onun üzləşdiyi problemlərə həsr edildiyini deyən F.Kərimov müəllifin həm də istedadlı tərcüməçi olduğunu vurğulayıb. O qeyd edib ki, F.Bağırlının tərcümələri qısa müddətdə oxucuların diqqətini çəkib, onlarda maraq doğurub.
Tədbir iştirakçılarını kitabın məzmunu ilə tanış edən müəllif F.Bağırlı bildirib ki, əsas məqsədi mənəviyyat və din mövzusu ilə bağlı bir çox məsələlərə aydınlıq gətirmək, oxucuya bu istiqamətdə başqa bir nəzər nöqtəsi təklif etməkdir.

Фарид Багирлы / Fərid Bağırlı
Между прошлым и вечностью / Keçmişlə əbədilik arasında

Основная цель данного труда - завести разговор на некоторые, связанные с культурой или религией темы и попутно отвечать на конкретные вопросы или хотя бы предлагать Читателю иную точку зрения.
Əsərin əsas məqsədi - mədəniyyət və din mövzusu ilə bağlı bir çox məsələlər haqqında söhbət açmaq və söhbət əsnasında konkret suallara cavab vermək və ya bu məsələlərdə Oxucuya başqa-bir nəzər nöqtəsi təklif etməkdir

-----------------------------------------------------------------------------------
Fərid Bağırlı
• 1973-cü ildə Bakıda anadan olub.
• Bakı Qafqaz Universitetinin İlahiyyat fakültəsinin məzunudur.
• Tərcüməçidir.
• Türk dilindən rus dilinə ədəbiyyat və məqalələrin tərcüməsi ilə məşğuldur.
• Subaydır

İŞSİZLİK PROBLEMLƏRİNİN HƏLLİNİN TAPILMASINDA
MƏLUMATSIZLIĞI ARADAN QALDIRILMASINA DAİR MÜHÜM YADDAŞ KİTABÇASININ TƏQDİMATI KEÇİRİLDİ

“PRAXİS” Sosial İnkişafa Dəstək İctimai Birliyinin çap etdiyi “Əmək Hüquqluqlarının Müdafiəsi Üzrə Yaddaş Kitabçası”nın təqdimatı 27 İyun 2007-ci il tarixdə saat 11-00-da “Kitab Klubu” Məhdud Məsuliyyətli Cəmiyyətin Bakı şəhəri, Mustafa Sübhi küçəsi, 13-də (TəzəPir Məscidinin yanı) yerləşən Mərkəzində keçirildi. Tədbiri Klubun əməkdaşı Fazil Kərimov açdı və sözü bir-başa bu layihənin rəhbəri Pərviz İsgəndərova verdi. O öz növbəsində kitabçanın tərtibi və hazırlanması məsələlərinə dərindən toxundu və bu layihənin əmək hüquqlarının və məşğulluqla bağlı bir çox amillərə kömək məqsədi ilə hazırlanmasını bildirdi. Onun sözlərinə görə vəsait özündə məşğulluq və əmək hüquqları ilə bağlı Azərbaycan Respublikasının Qanunvericiliyi, sosial müdafiə və sosial müavinətlər, işsizliyin aradan qaldırılması, peşə hazırlığı qaydaları, təqaüdlərin və işsizlik müavinətlərinin hesablanma qaydaları, ixtisasartırma, haqqı ödənilən ictimai işlərin təşkili, işsizlik müavinəti, qaçqınların və məcburi köçkünlərin statusundan məşğulluqla bağlı çıxarışlar, iş axtarmaq yolları və sənədləşmə, Bakı şəhər və rayonlarının məşğulluq orqanları haqqında məlumat, vətəndaşlar üçün kvota tətbiq edilməsi istiqamətləri, sosial müdafiəyə xüsusi ehtiyacı olan və işə düzəlməkdə çətinlik çəkən vətəndaşlar üçün kvotaların tətbiq edilməsi qaydaları, işsizlərin qeydiyyata alınması qaydaları və digər önəmli problemləri əks etdirir.

Təqmatın gedişində kitabın tərtibçisi Pərviz İsgəndərov bir çox sualları cavablandırdı.
Kitab Dünya Bankının Kiçik Qrantlar Proqramı daxilində Azərbaycan İcma İnkişafı, Araşdırmalar, Təlim və Resurs Mərkəzinin koordinasiyası ilə “Məcburi Köçkünlərin əmək hüquqları və məşğulluğu” layihəsi çərçivəsində hazırlanmışdır.
Təqdim edilmiş vəsait vətəndaş cəmiyyətinin inkişafı, yoxsulluğun azaldılması və işsizliyin aradan qaldırılması, əhalinin hüquqi maarifləndirilməsi istiqamətində çalışan bütün şəxslər və qurumlar üçün əvəzedilməz əhəmiyyət daşıyır.
Qeyd edək ki, “PRAXİS” Sosial İnkişafa Dəstək İctimai Birliyinin əsas məqsədi davamlı inkişafa nail olmaqla insan hüquqlarının təmin edilməsinə çalışmaqdan ibarətdir. Vəsaiti əldə etmək istəyənlər “PRAXİS” Sosial İnkişafa Dəstək İctimai Birliyinin ofisinə müraciət edə bilərlər.

Təqdimatın sonunda kitabın tərtibçisi və Kitab Klubu gələn qonaqlara və Media əhlinə öz minnətdarlıqlarını bildirdilər.

_______________________________________________________________________________
“PRAKSİS” Sosial İnkişafa Dəstək İctimai Birliyi. Bakı şəh. Zahid Xəlilov küç.26, 554-cü məhəllə.
AZ-1141 TEL-FAX:4475737, URL: www.praxis.az; E-mail: office@praxis.az _______________________________________________________________________________

İyunun 14-də Kitab Klubunda “Turizmin əsasları”
kitabının təqdimatı keçirilmişdir.

İyunun 14-də Kitab Klubunda “Turizmin əsasları” dərslik-kitabın təqdimatı keçirilmişdir. Tədbiri giriş sözüylə Kitab Klubunun əməkdaşı Fazil Kərimov açaraq Turizmin əsasları kitabının müəlliflərindən biri Azərbaycan Dövlət Mədəniyyət və İncəsənət Universitetinin tətbiqi kulturologiya kafedrasının müdiri İlqar Hüseynova vermişdir. O, öz növbəsində turizmin Azərbaycandakı problemlərindən və dərsliyin bu problemləri aradan qaldırılmasında oynayacaq rolundan danışdı. Kitabın müəlliflərindən biri olan Azərbaycan Dövlət Mədəniyyət və İncəsənət Universitetinin fəlsəfə elmləri namizədi, dosent Nigar Əfəndiyeva Macarıstan səfirliyində işlədiyi üçün bu təqdimata gələ bilməşdir.

Dərslikdə turizm sahəsinə kompleks şəkildə yanaşılmış, turizm elminin müasir tələbləri nəzərə alınmışdır. Həmçinin beynəlxalq turizmin təcrübəsinə geniş şəkildə istinad edilmiş, turizmin marketinqi, təşkilinin forma və metodları, digər problemləri kulturoloji aspektdə tədqiq olunmuşdur.
Kitabın əhəmiyyəti, aktuallığı ilə bağlı xoş sözlər söyləyən Dövlət Mədəniyyət və İncəsənət Universitetinin professorları Ələkbər Məmmədov, kulturoloq Oqtay Sultanov, Bakı Dövlət Universitetinin professoru Vəliyullah Cəfərov, Mədəni Maarif jurnalının baş redaktoru Yaşar Vəliyev, psixologiya elmlər namizədi Vasif Muradxanlı, dosent Elmira Alxasova, “Azərbaycan nəşrləri” jurnalının redaktoru Pərviz Rzaquliyev və başqaları turizmin Azərbaycanda yeni sahə olmasından, nəşrin bu sahəni hərtərəfli əks etdirməsindən danışmışlar.
Bildirilmişdir ki, 1993-cü il iyunun 15-də ulu öndər Heydər Əliyev hakimiyyətə qayıdışından sonra bütün sahələrdə olduğu kimi, turizm sektorunda da dövlət səviyyəsində xüsusi qayğı göstərilmiş, Azərbaycan Respublikasında 2002-2005-ci illərdə turizmin inkişafına dair Dövlət proqramı qəbul olunmuşdur.
Qeyd olunmuşdur ki, ümummilli lider Heydər Əliyevin siyasətini ardıcıl davam etdirən Prezident İlham Əliyev də turizmə böyük əhəmiyyət verir və bu sahənin inkişafına xüsusi qayğı göstərir. Bunun nəticəsidir ki, 2004-cü ildə ölkəmizə gələn turistlərin sayı 1milyon 300 min nəfərdən artıq olmuşdur. Hazırda isə bu rəqəm iki dəfə artmışdır.
Kitabın ali və orta ixtisas məktəblərinin professor-müəllim heyəti, tələbələri, mədəniyyət, incəsənət işçiləri, turizm marketinqi mütəxəsissləri və geniş oxucu kütlələri üçün nəzərdə tutulduğu vurğulanmışdır.
Təqdimatın sonunda Azərbaycan Dövlət Mədəniyyət və İncəsənət Universitetinin tətbiqi kulturologiya kafedrasının müdiri İlqar Hüseynov tədbirin qonaqları və iştirakçılarına minnətdarlıqlarını bildirmişlər.

İyunun 14-də saat 18:00-da Kitab Klubunda Azad Yazarlar Ocağının "Gənc Yazıçının ilk kitabı" seriyasından Sabutayın, Sevinc Çılğının, İntiqam Mehdiyevin və Yaşar Əsənin kitablarının təqdimatı oldu. Bu kitablarda müəlliflərin bu günə qədər yazmış olduqları seçmə şerlər və hekayələr öz əksini tapmışdır.

Tədbiri Azad Yazarlar Ocağının rəhbəri Rasim Qaraca açaraq sözü Kitab Klubunun direktoru Elxan Rzayevə verdi. E.Rzayev öz növbəsində gələn qonaqlara xoş gəldin deyəndən sonra gənc yazarların uğuruna şərik çıxaraq onları təbrik etdi və yeni-yeni nailiyyətlər arzuladı. Təqdimat zamanı müəlliflər öz kitablarından maraqlı hesab etdiyi şerlərini oxudular. Tədbirdə Güney Azərbaycandan qonaqlar da var idi, onlara da təqdimatın gedişində söz verildi, bəzi ümumi problemlərə toxunuldu.

Qeyd etmək lazımdır ki, layihənin həyata keçirilməsində məqsəd yeni yazmağa başlayan müəllifləri yazıçılıq işinə daha da həvəsləndirmək, onların ədəbiyyatdakı yerini möhkəmlətməkdən ibarətdir. Əvvəllər Sovet dövründə belə bir təcrübə olmuşdur, "müəllifin ilk kitabı" seriyasından kitablar nəşr olunardı, lakin o zaman bu iş olmazın dərəcədə çətinləşdirilmişdi, ilk kitabdan gələn yüksək qonorarı almaq yolunda uzun növbələr yaranmışdı, nəticədə istedad sahibləri deyil, işbazlar, daha fərasətli olanlar ilk kitablarını dərc elətdirirdilər.
Azad Yazarlar Ocağı bu təcrübəni azacıq fərqli elementlərlə davam etdirmək niyyətindədir. Hesab edirik ki, hər hansı bir ədəbiyyat təşkilatının ilk vəzifələrindən biri gənc yazarların kitablarını dərc etdirməkdən ibarət olmalıdır. Təəssüf ki, Azərbaycan dövlətinin ədəbiyyat məsələlərini həvalə etdiyi təşkilatlar, gənclərin deyil, daha çox yaşlıların problemləri ilə məşğul olmaqdadır, ədəbiyyatımıza yeni nəfəsin, yeni qanın gəlməsi onları çox da maraqlandırmır. Azad Yazarlar Ocağı bu layihəni gerçəkləşdirməklə digər yazıçı təşkilatlarının da diqqətini ədəbi gəncliyə, onların yaradıcılığa daha sıx bağlanmasına kömək edəcək aksiyaların keçirilməsinə yönləndirmək istəyirik. Gənc ədəbiyyatımız yaşayarsa ədəbiyyatımız, dilimiz yaşayacaq deməkdir.
Bildiyiniz kimi bu günə qədər həmin seriyadan 4 müəllifin kitabı işıq üzü görmüşdü, Yuxarıda qeyd olunan kitablar Qanun nəşriyyatında, gözəl tərtibatda nəşr olunub.
Azad Yazarlar Ocağını başladığı və Gənclər və İdman nazirliyinin dəstəyi ilə həyata keçirilən "gənc yazığının ilk kitabı" layihəsi bundan sonra da davam edəcək, gənc istedadlar ilk kitabın dərc olunması kimi bu adi və təbii sevinci bundan sonra da yaşayacaqlar. Təqdimatın sonunda Kitab Klubunun direktoru və Azad Yazarlar Ocağının rəhbəri gələn qonaqlara öz təşəkkürlərini bildirmişlər.

İyunun 2-də «Kitab Klubu»nda Mütləqə İnam Fəlsəfəsinin Yaradıcısı, Ruhani Ocaq Atası, dahi Azərbaycan

Filosofu Asif Atanın - İnam Atanın «Uluyurd Aqibəti - Bütöv Azərbaycan», «Bədiiyyat», həmçinin Asif Ata Ocağı Evladlarının birgə yazdığı «İnamın Gəlişi» kitablarının təqdimat mərasimi keçirilib. Tədbiri giriş sözü ilə açan Kitab Klubunun əməkdaşı Fazil Kərimli Azərbaycan ictimaiyyətinin Asif Ata imzasının yaxşı tanıdığını, bildirib, həmçinin Asif Atanın Azərbaycan ədəbi-mədəni, ictimai həyatındakı əvəzsiz, bənzərsiz rolundan danışıb: «Ötən yüzilin 70-80-ci illərində Azərbaycanın ali məktəblərində oxuyan bütün ixtisaslardan olan tələbələr üçün əfsanəvi Asif Ata obrazı vardı. Şəxsən mən Atanın həmin dövrdə odlu-alovlu görüşlərindəki söhbətlərini böyük bir sayğı və heyrətlə xatırlayıram. Onun Azərbaycanın bütövlüyü, Türkçülük, Azərbaycançılıq, həmçinin xalqımızın vəziyyəti, sabahı mövzusundakı söhbətləri hamını ciddi düşündürürdü. Asif Ata doğrudan da böyük idrak və cəsarət sahibi idi».
Uluyurd Hərəkatının Öndəri çıxışına Uluyurd Hərəkatının məqsəd və məramını ifadə etməklə başladı: «Bu, Azərbaycanın ictimai-siyasi mühitində mövcud olan sıradan bir hərəkat deyil, sırf özünəməxsusdur. Uluyurdun istəyi Bütöv, Qüdrətli, Vahid Azərbaycan qurmaqdır. Asif Atanın vaxtilə mənə «Uluyurd Hərəkatı yaratmaq gərəkdir» tapşırığı artıq gerçəkləşməkdədir. Siyasi döyüşün ruhani dəyərlərdən ideya və güc aldığı bir səviyyə ilə mübarizəmizə başlamışıq. Uluyurd Hərəkatı taktiki olaraq ictimai-siyasi, strateci olaraq ruhani quruculuğa meyil edən bir mübarizə yoludur. Bu yola biz onillərlə deyil, yüz illərə bərabər azadlıq uğrunda gedirik. Yurdumuzda yad dəyərlərə yer olmamalıdır. Tarix yaradan türk milləti öz dəyərlərinə hünərlə sahiblik etməlidir. Uluyurd Hərəkatı yurdumuzun siyasi müəyyənliyini nişan verən yeni rəmzləri bütövlükdə Azərbaycan-Türkel dövləti üçün qəbul edib və «Uluyurd Aqibəti - Bütöv Azərbaycan» kitabında onu təqdim edir: Bayraq, Herb, Himn».
Filologiya elmləri doktoru, professor Nazif Ələkbərli Asif Atanın özünəməxsus fəlsəfi görüşlərindən pedaqoci fəaliyyəti zamanı daim bəhrələndiyini, tələbələrə onun fəlsəfi, ədəbi-tənqidi görüşlərini tədris etdiyini bildirdi: «Asif Ata təkcə 20-ci yüzilin yox, bütövlükdə Azərbaycan tarixinin bənzərsiz simalarından biridir. Asif Ata fəlsəfi-bədii tənqidi, Mütləqə İnam Fəlsəfəsi ilə tariximizdə xüsusi iz qoyub. Vaxtilə filosofla olan söhbətlərimdə onun böyüklüyünün, nəhəngliyinin şahidi olmuşam. Bu gün təqdim olunan kitablardan biri «Bədiiyyat» təkcə rübai biçimli deyil, onlarda həm də bir bayatılıq, tuyuqluq var. Asif Atanın əsatirdən qaynaqlanan fəlsəfi hekayətlərində rəmzilik güclüdür».

Asif Ata Ocağının Evladı İşıqlı Atalı ictimaiyyətə təqdim olunan kitabların xəlqi və bəşəri əhəmiyyətini vurğuladı: «Bu kitablar Asif Atanın bənzərsizliyinin, özünəməxsusluğunun ifadəsidir. Asif Ata İnsanın, Xalqın, Bəşərin mahiyyətinə inanırdı, daim bu İnamı müqəddəs kitablarında izhar edib. Ata Ocağının Mütləq Ruhani biçimini yaratdı.
Bu il Ata ilə cismani ayrılıqdan 10 il keçir. Ötən 10 ildə Ocaq Yükümlüsü Soylu Atalı Atanın ideyalarının böyük bir eşqlə daha yeni üfüqlərini gerçəkləşdirdi. Asif Ata Ocağının əbədiliyi Ata ideyalarının zamandan üstün olması ilə şərtlənir».
Asif Ata Ocağının dostu şair-publisist Qəşəm İlqar Asif Atanın ölməz ruhuna, Ocağına sayğılarını ifadə etdi, Ataya həsr etdiyi «Ocaq şərqisi»ni oxudu, «Doğmalaşın, insanlaşın, İnsanlar! » dedi.
Sonda çıxışları ümumiləşdirən Ocaq Yükümlüsü Soylu Atalı öncə Azərbaycan Ruhunun zirvəsi olan Asif Atanın ömrü, bənzərsiz mübarizə yönü haqqında bilgi verdi: «Asif Ata Moskvada təhsil alarkən 6 cildlik «Dünya tarixi» kitabında Azərbaycanı axtardı, tapa bilmədi. Başqalarından fərqli olaraq Ata üzünü ilk növbədə yurdumuza tutdu. Yüksək erudisiyası, zamandan üstünlük imkanını gerçəkləşdirməsi Asif Ata şəxsiyyətinin təsdiqində özünü göstərdi. O, çoxlu təqiblərə, təzyiqlərə məruz qaldı, lakin Amalından dönmədi. 1960-cı ildə Atanın «Literaturnıy Azerbaydcan» curnalında «Tənqid və Zəmanə» yazısı çap olundu. Məhz həmin yazıdan sonra Atanın təqib silsiləsi başlandı».
S.Atalı Azərbaycanın Ruhaniyyat, Milli dəyərlər yaratmaq baxımından tarixən güclü olduğunu, lakin təəssüf ki, yaratdıqlarına yiyə durmadığını bildirdi: «Təsadüfi deyil ki, Ata bu baxımdan Azərbaycanın dünyanın ən böyük və ən fəlakətli xalqı olduğunu deyirdi. Azərbaycan yad dəyərlərin basqısı altındadır. Asif Atanın müəyyənləşdirdiyi dəyərləri həyatımızın mayasına qatmalıyıq. Ata İnamı Azərbaycandakı bütün yaxşı dəyərlərə sözün əsl mənasında yiyəlik eləyir. O, Ocaq ideyasına birdən-birə gəlib çıxmadı, illər uzunu fikirləşdi - «Düşündük, daşındıq, Ocaq yolunu tutduq» dedi. Bu mənada uca qardaşımız Safruhun «Başlanğıc» kitabında Atanın Ocaq yaradıcılığının ilkin əzablı dövrü bütün dolğunluğuyla ifadəsini tapıb». Həmçinin Ocaq Yükümlüsü Asif Atanın Uluyurd ideyasının yaranması və gerçəkləşməsi zəruriliyindən də danışdı.

Bu il Asif Ata Ocağının ilsırası ilə 5 Şölə ayı, 29-cu ildə (5 iyun, 2007) Ağstafa şəhər sonevliyində «Asif Ata Sonevini Ziyarət günü» Mərasimi keçiriləcək. Xatırladaq ki, bu il Asif Ata ilə cismani ayrılıqdan 10 il keçir. Hər il Asif Ata Ocağının Evladları, Ocaq pərəstişkarları Azərbaycan ictimaiyyətinin nümayəndələri ilə birlikdə Ata sonevini ziyarət edirlər. Mərasimdə Ata ölməzliyi, Müqəddəsliyi haqqında uca söz söylənilir, İnamın yurdumuzda gerçəkləşmə məqamları ifadəsini tapır.

108 ROMAN VƏ POVESTİN MÜƏLLİFİ, KİTABLARI 21 DİLƏ TƏRCÜMƏ
EDİLMİŞ XALQ YAZIÇISI İLƏ GÖRÜŞ

Aprelin 30-da Kitab klubunda Yazıçılar Birliyinin katibi, xalq yazıçısı Çingiz Abdullayevin

“Qatil üçün qran-pri” (Azərbaycan dilində) detektiv əsərinin təqdimatı keçirilmişdir.
Klubun direktoru Elxan Rzayev, əsəri rus dilindən tərcümə edən Elşən Əliyev, M.F.Axundov adına Azərbaycan Milli Kitabxanasının direktoru Kərim Tahirov və başqaları xalq yazıçısının təqdimatı keçirilən, beynəlxalq terrorizmlə mübarizəyə həsr olunmuş kəskin süjetli kitabı, ümumən yaradıcılığı haqqında fikirlərini söyləmişlər. Bildirilmişdir ki, yaradıcılığa gec başlamasına, ilk əsərinin - “Mavi mələklər”in 1988-ci ildə işıq üzü görməsinə baxmayaraq, Ç.Abdullayev tez bir zamanda nəinki keçmiş SSRİ məkanında, demək olar ki, bütün dünyada tanınmışdır.
Natiqlər Ç.Abdullayevin ana dilində çıxan kitablarının nüsxələrinin azlığını diqqətə çatdırmış, bu kitabların mütləq böyük tirajla nəşr etdirilib respublikanın bütün kitabxanalarına paylanmasının vacibliyini vurğulamışlar.
Çingiz Abdullayev indiyədək Azərbaycan dilinə 20-dək əsərinin tərcümə edildiyini, ümumiyyətlə isə 108 roman və povestin müəllifi olduğunu bildirmişdir. O, dünya üzrə ümumi tirajı 22 milyon nüsxə olmaqla 700-dən çox kitabının nəşr edildiyini, bu yaxınlarda əsərinin növbəti, 21-ci dilə - alban dilinə də tərcümə olunduğunu diqqətə çatdırmışdır.
Azərbaycan dilində yazdığı ssenari əsasında çəkilmiş “Məhkumlar” bədii filminin tezliklə ekranlara çıxacağını söyləyən Ç.Abdullayev oxucuları ilə görüşlərdən məmnunluğunu diqqətə çatdırmışdır.
Tədbirdə Ç.Abdullayevin Azərbaycan dilində iki-üç gün əvvəl “Nurlan” nəşriyyatında işıq üzü görmüş daha bir əsəri - “Üçüncü variant” kitabı da iştirakçılara təqdim edilmişdir. Müəllif bu kitabın nəşr edilməsinin onun üçün sürpriz olduğunu bildirmiş, sualları cavablandırmışdır.

29 января 2007 года в Бакинском книжном клубе состоялась презентация очередной книги писателя Эльчина Гасанова "Убийцы".
Параллельно в клубе прошла эксклюзивная и довольно любопытная выставка коллекции рисунков писателя под названием "Скоро в путь", рисунки сделаны обреченными на смерть людьми.