Müəlliflər

Professor Sədnık Paşa Pirsultanlı (Paşayev) 52 ildir ki, folklorumuzun toplanması, nəşri yə tədqiqi ilə məşğuldur. Onun 45 kitabı və yüzlərlə elmi məqaləsi vardır. O 1970-ci ildə “Ağdabanlı Qurban və onun müasirləri» mövzusunda namizədlik dissertasiyası müdafiə etmişdir. 1990-cı ildə «Azərbaycan xalq əfsanələri və onun tədqiqi problemləri” mövzusunda doktorluq işi müdafiə edib, filologiya elmləri doktoru adını almışdır.
37 ildir ki, Gəncə Dövlət Universitetinin müəllim-professorudur. Azərbaycan Jurnalistlər və Yazıçılar Birliklərinin üzvüdür. Gəncliyində “Yeni Daşkəsən”, “Mübariz” və “Yenilik” qəzetlərinin redaktoru olmuşdur.
Respublikanın Əməkdar Mədəniyyət və Qabaqcıl Ali Təhsil İşçisidir. 25 ildir Gəncəbasar Aşıqlar Birliyinin sədridir. Hazırda onun yazıları davamlı olaraq Amerika, Almaniya, Hollandiya, Qazaxstan, Türkmənistan, İran və Türkiyədə elmi məcmuə, qəzet və jurnallarda nəşr olunur. Azərbaycan xalq əfsanələri və əsatirlərini küll halında ilk dəfə toplayıb, eyni zamanda tədqiq edən alimdir. Türkiyədə çıxan “Dədə Qorqud” Ensiklopediyasının hər iki cildində və Moskvanın nəşr etdiyi “Yejeqodnik”də (Velikaya Sovetskaya Ensiklopediya) təmsil olunan alimimizdir. 2005-ci ildə “Aztelefilm” yaradıcılıq birliyi dövlət sifarişi ilə haqqında “Pirsultanlı” adlı sənədli televiziya filmi çəkmişdir. Anqara və Bakıda keçirilən Uluslararası “ipək yolu xalq ədəbiyyatı”, “Hacı Vəli Bektaşi” törənləri və “Ortaq türk keçmişindən, ortaq türk gələcəyinə” həsr olunmuş Folklor simpoziumlarının məruzəçisidir. ABŞ-ın Wisconsin Universitetində şəxsi adı ilə bağlı Türk xalqları folkloruna dair 3000 nüsxə kitabdan ibarət kitabxana təşkil olunmuşdur.
6 övladı, 12 nəvəsi var.