Ramil Səfərovun yeni kitabı işıq üzü gördü!..

26.12.11 saat 15:00-da "İRŞAD" oteldə Ramil Səfərovun tərcümə etdiyi F.Molnarın “Pal küçəsinin oğlanları” kitabının təqdimat mərasimi keçirildi. “Pal küçəsinin oğlanları” kitabının satışından əldə edilən gəlir Ramil Səfərovun növbəti kitabının nəşrinə sərf olunacaq. Əsəri almaq istəyənlər tələssin, nəşrin tirajı məhduddur.. Kitabın satış hüquqları Bakı Kitab Klubuna məxsusdur..

Budapeşt şəhər məhkəməsinin hökmü ilə ömürlük azadlıqdan məhrum edilən Azərbaycan Milli ordusunun sabiq zabiti, xalqımızın cəsur oğlu Ramil Səfərovun macar dilindən tərcümə etdiyi Ferens Molnarın (12.01.1878, Budapeşt - 01.04.1952, Nyu-York) “Pal küçəsinin oğlanları” povesti ilk dəfə Azərbaycan dilində nəşr olunmuşdur. Kitabin redaktoru və ön sözün müəllifi filologiya üzrə fəlsəfə doktoru, dosent Asif Rüstəmlidir. “Məhbəsə sığmayan azadlıq eşqi” adlı müqəddiməsində A.Rüstəmli Budapeştdə olarkən Ramil Səfərovla görüşündən, kitabın bədii məziyyətlərindən bəhs etmişdir. Ön sözdə vurğulanmışdır ki, “Pal küçəsi təkcə budapeştli məktəblilər üçün deyil, bütün dünya gəncləri üçün azadlıq uğrunda, işğalçılara qarşı mübarizədə vətənpərvərlik meydanı, həyat universitetidir”.
R.Səfərov bu əsərdən əvvəl Macarıstanın tanınmış xanım yazıçısı Maqda Sabonun (1917-2007) “Qapı” romanını müvəffəqiyyətlə orijinaldan Azərbaycan dilinə tərcümə etmiş və kitab 2011-ci ildə Bakıda çap olunaraq böyük uğur qazanmışdır. O bədii ədəbiyyat nümunələrini macar dilindən azərbaycancaya çevirən ilk tərcüməçidir.

Kitabı almaq istəyənlər Bakı Kitab Klubuna (M.Sübhi 13 - Təzə Pir Məsçidinin yaxınlığı) müraciət edə bilər..

“Pal küçəsinin oğlanları” kitabının satışından əldə edilən gəlir Ramil Səfərovun növbəti kitabının nəşrinə sərf olunacaq. Əsəri almaq istəyənlər tələssin, nəşrin tirajı məhduddur..

Kitabın qiyməti 10 AZN-dir.