Son nəşrlər

Son nəşrlər (ardı)  1  2  3  4  5   6   7   8   9   10

Qəzənfər Paşayev

Müəllif 7 illik gərgin əməyin nəticəsində Mişel Nostradamusun görücülüyünün uzun illər Şərq və Qərb elmi-ictimai fikir tarixində mübahisələrə və müzakirələrə səbəb olmuş külliyyatını Azərbaycan oxucusuna təqdim edir. Görücünün əsrlərlə öncə yazdıqlarının möcüzəli şəkildə yerinə yetməsi, özündən çox-çox sonra dünyaya gələn bir çox tarixi şəxsiyyətlərin nəinki adlarını, talelərini, hətta hakimiyyət müddətlərini dəqiq göstərməsi, bizim hələ dərk edə bilmədiyimiz çox mətləblərdən söz açır.

“Təhsil”, 2007, 760 səh., 17x25, sərt, 3000

Ə.Firdovsi

Azərbaycan dilinə tərcüməsi və müqəddimə M.M.Əlizadənindir.
Şərqin dahi sənətkarı Əbülqasim Firdovsinin “Şahnamə” əsəri bütün dünyada şöhrət qazanmış, və bir çox dillərə tərcümə edilmişdir. Bu tarixi-fəlsəfi epopeyanın hər bir dastanı şairin dünya görüşünü, onun öz zəmanəsinə münasibətini əks etdirir.

ISBN 9952-426-06-2, “Nurlar”, 2005, 992 səh. şəkilli, 17x24, sərt

İlqar Hüseynov, Nigar Əfəndiyeva
Red. Pərviz Rzaquliyev

Dərslikdə turizm sahəsinə kompleks şəkildə yanaşılmış, turizm elminin müasir tələbləri nəzərə alınmışdır. Dərsliyin hazırlanmasında ölkədaxili və beynəlxalq turizmin təhlilinə və təcrübəsinə geniş şəkildə istinad edilmiş, milli adət və ənənələr, dini xüsusiyyətlər, turizmin mahiyyəti, tarixi və mənşəyi, tədris problemləri, turizm marketinqi, turizmin idarəedilməsi, turizm əlaqələri, turizmin təşkilinin forma və metodları və digər məsələlər kulturoloji aspektdə tədqiq olunmuşdur.

“Mars-Print”, 2007, 442 səh., 15x21, rəngli, sərt, 1000

Orxan Pamuk
Çevirəni N.Əbdülrəhmanlı

Məşhur türk yazıçısı, 2006-cı il ədəbiyyat üzrə Nobel Mükafatı Laureatı Orxan Pamukun "Mənim adım Qırmızı" romanında 1591-ci ilin doqquz qış günü ərzində İstanbulda baş verən hadisələri təsvir edilir. Roman bir çox məziyyətləri ilə yanaşı, Nizaminin əsərlərinə çəkilmiş miniatürlər, böyük rəssam Kəmaləddin Behzadın misilsiz əsərləri, ümumiyyətlə, nəqş sənəti haqqında bənzərsiz hekayətdi.

“Qanun”, 2007, 612 səh.,14x20, yumşaq, 500

Cabir Xəlifə-zadə

Müəllifin sayca səkkizinci olan bu kitabında insanların sağlamlığını qorumaq və möhkəmlətmək, ömrünü uzatmaq üçün səmərəli qidalanmanın rolu, qida rejimi, qidaların dəyərliliyi, xörəklərdə çatışmayan bir çox bioloji aktiv maddələrin insan orqanizminə bilavasitə təsiri, bu məsələnin istehlak, məişət mədəniyyəti ilə daha çox əlaqəsi göstərilmişdir. Kitabda xörəkşünaslıq və ərzaq mallarının əmtəəşünaslığı, xalq təbabətinin insanların sağlamlığına və uzun ömürlülüyünə verdiyi töhfələr barədə topladığı 45 illik təcrübənin ümumi nəticələri əks olunmuşdur.
Xəstəliklərin 85 faizinin düzgün qidalanmamaqla bağlı olduğunu bildirən müəllif, bu kitabı nəşr etdirməkdə məqsədinin xalqı bu istiqamətdə maarifləndirmək, uzunömürlülüyü və sağlam yaşamağı təlqin etmək olduğunu diqqətə çatdırmışdır.

ISBN 9952-27-016-x, “CBS”, 2007, 156 səh., 48 şək., 17x25, sərt, 500

Aqşin İsabala oğlu Quliyev

Ensiklopediya hüquq elmini və qanunvericilik təcrübəsini əhatə edən 7 minə yaxın anlayışdan, termindən, söz birləşməsindən və ifadədən ibarətdir. Ensiklopediyada hüquq elminin bütün əsas sahələri, o cümlədən dövlət və hüquq nəzəriyyəsi və tarixi, siyasi və hüquqi təlimlər tarixi haqqında məlumat verilmişdir.

“Qanun”, 2007, 1108 səh., 18x25, sərt, 300

Xanlar Vəliyev

Kitabın işlənib hazırlanmasında məqsəd hərbi qulluqçuların, Silahlı Qüvvələrin komanda heyətinin hüquqi biliklərinin təkmilləşdirilməsi işinə, ümumilikdə şəxsi heyətin hüquqi hazırlığının artırılmasına və hüquqi şüurunun formalaşmasına yardım etməkdən ibarətdir. Kitabda Azərbaycan Respublikasının qüvvədə olan hərbi qanunvericilik aktları toplanmış, həmin aktlara 2006-cı il 6 dekabr tarixə qədər edilmiş əlavə və dəyişikliklər öz əksini tapmışdır.

“Adiloğlu”, 2006, 548 səh., 17x23, sərt, 300

İbad Abbasov

Dərslikdə auditin nəzəri, təşkilati-praktiki, metodoloji prinsipləri şərh edilməklə yanaşı, ilk dəfə olaraq auditdə maliyyə təhlilinin metodikası və sahələr auditinin təşkilinin spesifik xüsusiyyətləri verilmişdir.

ISBN 9952-29-028-4,“Bakı Biznes Universiteti”, 2007, 530 səh., 18x24, sərt, 2000

Tərtibçilər: Rəfiqə Talıbzadə, Arzu Hacızadə

Kitabda görkəmli alim, əsl ziyalı və qayğıkeş insan Kamal Talıbzadə haqqında tanınmış elm və mədəniyyət xadimlərinin xoş xatirələri, ona həsr olunan şerləri, şəxsi fotoalbomundan şəkillər verilmişdir.

ISBN 978-9952-20-039-3, “Xəzər”, 2007, 300 səh., 15x21, yumşaq

Ofeliya Bayramlı

Ə.Hüseynzadənin baş mühərrirliyi və H.Z.Tagıyevin maddi vəsaitilə 1906-1907-ci illərdə nəşr olunan “Füyuzat” məcmuəsinin 32 sayı bu kitabda toplanmış, çağdaş latın əlifbasında, yenidən nəşr olunmuşdur. Bu məcmuə, XX əsrin əvvəllərində Azəri və türk xalqlarının siyasi və ədəbi fikrinin ən möhtəşəm abidəsidir. O bu mövqeyini yeni əsr üçün də qoruyub saxlamışdır.
ISBN 9952-27-036-4, “Çaşıoğlu”, 2006, 672 səh., 22x30, sərt, 250

Şəmsəddin Axundov

Dərslikdə “Marketinq” fənninin əsas formalarından biri hesab edilən “Beynəlxalq marketinqin” təşkili, planlaşdırılması və idarə edilməsinin elmi-nəzəri, metodoloji və təcrübi məsələlərinə baxılır. Burada 13 mövzu işıqlandırılır. Materialları daha yaxşı mənimsəmək məqsədilə hər bir mövzuda şəkillərdən, sxemlərdən, cədvəllərdən və s. geniş istifadə edilmişdir.

ISBN 5-87459-216-4,“Əbilov, Zeynalov və oğulları”, 2005, 632 səh., 14x21, yumşaq, 1000

Azərbaycanca-Almanca, Almanca-Azərbaycanca müasir lüğət

Lüğətə 105000 söz və söz birləşməsi daxil edilmişdir. Buraya ümumi işlək sözlər, coğrafi adlar, iqtisadi-maliyyə terminləri, siyasi terminologiya, kommunikativ sözlər, beynəlxalq münasibətlər, hüquqi, politexnik terminlər daxildir.

ISBN 9952-8001-6-9, “Ziya+”, 2006, 810 səh., 15x21, sərt, 300

Uill Dürant

Əsər miladdan əvvəl yaşamış ulu Platondan başlayaraq XIX əsrdə fəaliyyət göstərmiş Con Dyüiyə qədər olan bir dövrdə bəşəriyyətə misilsiz fəlsəfi əsərlər bəxş edən filosofların həyat və yaradıcılığını əhatə edir.

ISBN 9952-8080-3-8, “Zəkioğlu”, 2006, 578 səh., 14x21, sərt, 1000

Z.N.Eminov

Kitabda son dövrlərdə Azərbaycanda baş verən ictimai-siyasi və iqtisadi proseslər nəticəsində əhalinin demoqrafik göstəricisində baş verən dəyişikliklər, onların səbəb və nəticələri təhlil edilir. Əhalinin bir çox demoqrafik göstəricilərinin son iki əsrdə dəyişməsi meyilləri göstərilir.

“Çıraq”, 2006, 560 səh., 15x21, sərt, 500

Çingiz Abdullayev

Tərcüməçi Təbəssüm Muxtarova

"Üçüncü variant " əsəri "Mənim gözəl alibim"dən oxuculara yaxşı tanış olan Solaxay ayamalı təkqol killerin "ölüm"ündən və "dirilmə"sindən sonra özü kimi "vəfat etmiş", lakin sonradan "həyata qayıtmış" və güclülər tərəfindən bütün kürreyi ərzdə axtarılan bir şəxsi taparkən başına gələn qəzavü-qədərlərdən bəhs edir.

“Nurlan”, 2007, 272 səh., 14x20, yumşaq, 900

Çingiz Abdullayev

Tərcüməçi Elşən Əliyev

Dünyanın bütün xüsusi xidmət orqanlarının axtardığı beynəlxalq terrorçu hər dəfə, lap son andaca yoxa çıxır. Bir kölgə kimi, izsiz-tozsuz, müəmmalı şəkildə …və öz təqibçilərini öldürərək... Agent Dronqo bu yırtıcını «ovlamağa» bir qədər gec qoşulub. Əməliyyat artıq başlanıb, onu dayandırmaq və ya təzədən başlamaq mümkünsüzdür. Deməli, axtarışın yanlış istiqamətdə aparıldığın anlayan Dronqo indi MÜMKÜN OLMAYANI gerçəkləşdirməlidir…

ISBN 5-86874-317-2, “Kitab Klubu”, 2007, 300 səh., 15x20, rəngli, yumşaq, 500

Ağamalı Sadiq Əfəndi

Müəllifin ədəbi nəşr silsiləsindən seçilən “Başsız” povesti və “Kənddən gələn adam” hekayəsi kitaba daxil edilib. Hər iki əsər psixoloji, mənəvi mahiyyət daşıyır və fəciəylə üzləşmiş gəncin ictimai ədalətsizliyə, cəmiyyətin əxlaqına sirayət etmiş sosial laqeydliyinə qarşı barışmaz sonunu obrazlı şəkildə cəmiyyətə çatdırır.

“OKA Ofset”, 2007, 92 səh., 11x16, rəngli, yumşaq, 500

Gülzar Əfəndiqızı

Kitab müasir Azərbaycan demokratik mətbuatının məşhur yaradıcılarından biri, çağdaş Azərbaycan ədəbiyyatının görkəmli nümayəndəsi, şair Ağamalı Sadiq Əfəndinin qısa həyat və yaradıcılığı, keçdiyi mübarizə yolu haqqında xatirələrdən ibarətdir. Kitabın əsasını A.S.Əfəndinin bacısı Gülzar xanım Əfəndiqızının xatirələri təşkil edir. Kitaba həmçinin A.S.Əfəndinin mübarizə dostlarının xatirələri, ona həsr olunmuş şeirlərin bir qismi daxil edilmişdir.

“OKA Ofset”, 2005, 232 səh., 15x21, rəngli, sərt, 400

Şahlar Əsgərov

Bakı Dövlət Universitetinin professoru, fizika-riyaziyyat elmləri doktoru, əməkdar elm xadimi Şahlar Qaçay oğlu Əsgərovun biblioqrafiyası onun həyatını, elmi-pedaqoji və ictimai-siyasi fəaliyyətini əhatə edir. Bibliqrafiyaya daxil edilmiş materiallar əsasən xronoloji qaydada düzülmüşdür.

“Azərbaycan”, 2007, 144 səh., 11x16, yumşaq, 150

Şahlar Əsgərov

Kitabda təhsilin insan həyatında oynadığı rol təhlil edilmiş və göstərilmişdir ki, təhsil nəsildən-nəslə ötürülən kasıblığın qarşısını ala biləcək “xəzinəsi özündə” olan ən səmərəli sosial qurumdur. Yeni təhsilin fəlsəfəsi və onun sovet təhsilinin fəlsəfəsindən fərqli, özəl təhsilin təhsil sistemində yeri, təhsilin iqtisadiyyatı, biliyin qiymətləndirilməsi, təhsil və milli təhlükəsizlik və digər aktual problemlərin təhlilinə geniş yer verilmişdir.

“Azərbaycan”, 2003, 280 səh., 14x21, rəngli, sərt, 500

Nail Əliyev

Kitabda xalqımızın həyatında baş vermiş soyqırımlar və deportasiya dövrlərində soydaşlarımızın faciələrindən, düçar olduqları müsibətlərdən, Azərbaycan diplomatlarının bu sahədəki çoxsahəli fəaliyyətindən və s. tarixi sənədlərin dili ilə ətraflı söhbət açılır.

“Nurlan”, 2007, 206 səh., 14x20, rəngli, yumşaq, 500

Yeganlı S.T., Hacıyev E.M.

(Dərs vəsaiti)
Turizm haqqında tam təsəvvür yaratmaq üçün onun bir-biri ilə ayrılmaz əlaqələri olan tarixi, coğrafiyası, inkişaf siyasəti və planlaşdırılması, reklam və informasiya texnologiyası, marketinq və menecmenti və nəhayət, hüquq təminatı sistem şəklində araşdırılır. Azərbaycan Respublikası qanunlarından çıxarılışlar və əlavələr verilib.

“Təhsil”, 2006, 324 səh., cədvəl-10, şəkil-8, 15x21, rəngli, sərt, 1000

Yunus Oğuz

Müəllif bu əsərində türklərin tarixinə yeni bir nəzər salaraq dərin tədqiqatlar aparmış və belə qənaətə gəlmişdir ki, türkün tarixi yenidən yazılmalıdır. Oxucu kitabda bu günə qədər əhəmiyyət vermədiyi, lakin türkçülüyün tarixi üçün vacib olan danılmaz faktlarla qarşılaşacaq. Kitabın davamı olacaq.

“Olaylar”, 2007, 204 səh., 15x21, rəngli, yumşaq, 50000

Хафиз Абру

Перевод с персидского, предисловие, комментарий, примечания и указатели Э.Р.Талышханова
Книга представляет собой перевод сочинения известного историка и географа тимуридского периода – Хафиза Абру. Здесь описываются события, происходившие на Ближнем и Среднем Востоке в 1304-1393 гг. Сведения в основном относятся к истории Азербайджана, а также Ирана, Ирака, Сирии и северо-западного Афганистана монгольского периода. Изложение событий начинается со смерти седьмого ильхана – Газан-хана и завершается походом Тимура в Азербайджан. Автор преимущественно освещает политическую историю, иногда касаясь событий социально-экономического и культурного характера.

ISBN 978-9952-437-01-0,“Нафта-Пресс”, 2007, 323 стр., 17x28, цветная, твердая

Qara Mustafayev, Anar Məmmədov

Lüğət 1200-ə qədər ekoloji termin və anlayışın izahından ibarətdir. Kitab azərbaycan və rus dillərində tərtib edilmişdir.

“MBM”, 2007, 348 səh., 11x15, rəngli, sərt, 500

Ассоциация «Луч»

Антология прозы и поэзии содержит произведения писателей разных поколений и творческих пристрастий . Она подготовлена Ассоциацией деятелей культуры республики «Луч» и в основном отражает творчество ее членов.

“Нурлан”, 2007, 340 стр., 14x20, цветная, мягкая, 200
 

Aydın Əli-zadə

Xristianlığın birinci on əsrini əhatə edən fəlsəfə tarixi mövzusunda yazılmış kitabda bu dinin yaranması və inkişaf mərhələləri haqqında söhbət açılır, müxtəlif xristianyönlü dini-fəlsəfi cərəyanların dünyagörüşləri izah edilir, xristian mütəfəkkirləri və onların fikirləri haqqında məlumat verilir.

ISBN 5-87459-013-7 ,“Əbilov, Zeynalov və oğulları”, 2007, 172 səh., 14x20, rəngli, yumşaq, 500

Qurbanov B.,Əlizadə M., Hacızadə S.

Kitabda on fəsildə Microsoft Excel XP-də İqtisadi məsələlərin həlli: sadə və mürəkkəb faizlərin hesablanması qaydaları, amortizasiya anlayışı, pulun müasir qiymətləndirilməsi, maliyyə rentaları, maliyyə müqavilələrinin aparılması qaydaları, sərmayə qoyuluşu məsələlərinin həlli və s. tapşırıqlar və əlavələr verilmişdir.

“MSV nəşr”, 2007, 516 səh., 15x21, rəngli, sərt, 300

Q.S.Kazımov

Dərslik ümumi dilçiliyin və Azərbaycan dilçiliyin son nailiyyətləri əsasında yazılmışdır. Kitabda söz birləşməsi, cümlə və mətn problemlərinin, nitqin aktualladırılması imkanlarının öyrənilməsinə əsas diqqət yetirilmişdir. Dərslik nitqin funksional cəhətlərinin xüsusi nəzərə alınması baxımından başqa dərsliklərdən fərqlənir.

“Təhsil” 2007, 496 səh., 15x22, rəngli, sərt, 500

Seyidzadə Etibar, Əlizadə Mətləb

Kitabda Windows XP əməliyyat sistemi, onun qurulması, sistem daxilindəki əsas proqramların geniş izahı verilir. Kitab Təhsil Nazirliyi tərəfindən dərs vəsaiti kimi təsdiqlənib.

“MSV NƏŞR”, 2007, 236 səh., 15x21, rəngli, sərt, 250

Müəlliflər: şəkillərin Fərid Əşrəfoğlu, mətnin Zeynal Məmmədli

Azərbaycan və ingilis dilində

1762-ci lldə Şəkidə şərq memarlığının ən zərif incllərindən biri Hüseyn xan tərəfindən ucaldıldı. Nəfis tərtibatda nəşr olunan kitab bu təkrarsız abidə Azərbaycanın Milli mədəniyyət irsinin ən dəyərli nümunələrindən biri - Şəki Xan Sarayı haqqinda ensiklopedik toplu sayıla bilər.

ISBN 978-9952-422-04-7,“Tutu”, 2006, 184 səh., 25x26, rəngli, yumşaq

Tərtibçi Famil Şərifov

Kitab Azərbaycanda geniş yayılmış, o cümlədən yalnız bu bölgədə mövcud olan üzüm sortlarının toplusunu əks etdirir. Materiallar müəllifin uzun illər boyu apardığı tədqiqat işlərinin nəticəsi kimi təqdim olunur. Atlasda hər bir sortun təsviri ilə bərabər onun barəsində ətraflı məlumat verilir.

Книга отражает сборник сортов винограда, широко распространенных в Азербайджане, в том числе присущих только этой зоне. Материалы представлены как результат многолетней исследовательской работы автора. В Атласе, наряду с общей информацией, дается и описание каждого сорта в отдельности.

This comprehensive edition traces the development of most spread grape clones in Azerbaijan as well as the clones grown only in this area of the world. The materials presented are the result of long research activities of author. Alongside with the illustrations, The edition provides with detailed information on each sort.

ISBN 9952-416-74-0,“Öndər”, 2005, 224 səh., 23x30, rəngli, sərt, 1000

Son nəşrlər (ardı)  1  2  3  4  5   6   7   8   9   10